Хергіцкае ханства

	Херґіцкае ханства
	Герб
	Херґіцкае ханства знаходзіцца на паўднёвым усходзе Кальрадыі
Сталіца	Тульга
Форма кіраваньня хан	манархія; Санджархан
Этнічны склад	херґіты
Валюта	дынар

Херґі́цкае ха́нства (па-ангельску: Khergit Khanate) — выдуманая сярэднявечная краіна з сэрыі гульняў «Mount & Blade». Ханства знаходзіцца на паўднёвым усходзе Кальрадыі. У адрозьненьне ад урадлівых цэнтральных земляў Кальрадыі, вялікія стэпі на поўдні ўяўляюць сабой вялізную вобласьць сухіх пашаў. З суровым надвор’ем і малай колькасьцю рэсурсаў, адзінае, на што гэтая зямля багатая, гэта чарады коняў, якія жывуць як ў дзікай прыродзе, гэтак і ўнутры краіны. Менавіта ў гэтай засушлівай пустэльні можна знайсьці херґітаў, паўкачавую суполку паляўнічых ды вершнікаў, якія, як і іх стэпавыя коні, зграбныя, трывалыя, хуткія й тэмпэрамэнтныя. Кіраўніком херґітаў зьяўляецца Санджархан (па-ангельску: Sanjar Khan), а прэтэндэнтам — Дустумхан (па-ангельску: Dustum Khan), яны ж зьяўляюцца напалову братамі (маюць розных маці). Сталіцай ханства зноходзіцца ў месьце Тульґа (па-ангельску: Tulga).

Гісторыя

Паводле Багештура (па-ангельску: Baheshtur), херґіты былі родам з халодных стэпаў за гарамі, магчыма, да ўсходу ад Кальрадыі. Хаця яны раней займаліся гандлем, учыненьнем набегаў, засяленьнем ды наймам сябе ў якасьці наймітаў для калрадаў, яны не перасяляліся ў сваю вобласьць мапы з Warband, пакуль іх радзіма не была захопленая Вялікай ардой. Гэтыя падзеі прымусілі херґітаў перасяліцца на новае месца, якое ў тыя часы было пад кантролём вэґіраў і якое херґіты цяпер называюць сваім домам. Херґіты зьяўляюцца нашчадкамі Хузаіцкага ханства.

Падзеі незадоўга да Warband

Да таго, як улада перайшла ў рукі Санджархана, краіна належыла бацьку Санджархана й Дустумхана — Янакірхану (па-ангельску: Janakir Khan), а пасьля ягонай сьмерці ўлада паводле традыцыі мусіла быць падзеленай між двух братоў як паміж роўнымі нашчадкамі, але Санджархан узяў усю ўладу ў свае рукі. Ён сьцьвярджае, што гэтае было зроблена толькі таму, што сыны хана звычайна ідуць адзін на аднаго вайной, у выніку чаго ханства падзеліцца на два супрацьстаячыя бакі, і вонкавыя ворагі могуць выкарыстаць гэтыя падзеі, каб захапіць землі херґітаў.

Сымбалі

Херґіцкая нацыянальная жывёла — гэта альбо шэры воўк, намаляваны на гербе фракцыі, або конь, намаляваны на сьцягу Санжархана.

Паселішчы

Херґіцкае ханства мае 4 месты, 7 замкаў, 13 вёсак.

Характарыстыка

Перавагі

Амаль цалкам конныя войскі, якія хутка абучаюцца.
Выдатныя конныя лучнікі.
Найлепшая стратэгічная манэўранасьць сярод усіх фракцыяў.

Слабасьці

Херґітаў лёгка перамагчы, калі яны ў абароне або сьпешаныя, або калі ня могуць езьдзіць ды манэўраваць

Жаўнерства

Дрэва разьвіцьця херґіцкага жаўнера
1	Херґіцкі супляменьнік (Khergit Tribesman)
2	Херґіцкі застрэльнік (Khergit Skirmisher)
3	Херґіцкі коньнік (Khergit Horseman)
4	Херґіцкі ўдарны коньнік (Khergit Lancer)	Херґіцкі конны лучнік (Khergit Horse Archer)
5		Херґіцкі конны вэтэран лучнік (Khergit Veteran Horse Archer)

Прататып

Херґіцкае ханства відавочна зробленае на ўзор качэўнікаў, у асаблівасьці Мангольскае імпэрыі. Гэты вынік робіцца з прычынаў:

Войскі Херґітаў вельмі падобныя да войскаў манголаў, татараў і іншых, гэткі жа акцэнт на коньніцы
Тытул лордаў «наён» у Warband, які ўжываўся ў дачыненьні да мангольскай ды цэнтральна-азіяцкай шляхты.
Імёны, якія вельмі падобныя на мангольскія й цюрскія.