Расьціслаў Шавель
Расьціслаў Уладзімеравіч Шавель (нар. 2 красавіка 2001, Менск, Беларусь) — беларускі футбаліст, нападнік чаркаскага клюбу «Фалька». Палітычны вязень рэжыму Лукашэнкі.
| Расьціслаў Шавель | ||
| Пэрсанальная інфармацыя | ||
|---|---|---|
| Нарадзіўся | 2 красавіка 2001 (23 гады) | |
| Рост | 182 см | |
| Вага | 62 кг | |
| Пазыцыя | нападнік | |
| Клюбная інфармацыя | ||
| Клюб | Фалько Чаркасы[d] | |
| Клюбы | ||
| Гады | Клюб | Гульні (галы)¹ |
| 2020 | Гарадзея | 5 (0) |
| 2022— | Фалько Чаркасы[d] | 9 (3) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера рэдагаваць
У 2017 годзе пачаў выступаць за дубль «Гарадзеі». У пачатку 2020 году стаў прыцягвацца да асноўнай каманды. Дэбютаваў у Найвышэйшай лізе 25 красавіка 2020 году ў матчы супраць БАТЭ (0:2), калі выйшаў на замену ў другім тайме. У далейшым працягваў гуляць за дубль, зрэдку прыцягваўся да асноўнага складу. У сьнежні 2020 году пакінуў клюб.
Палітычны перасьлед рэдагаваць
- Асноўны артыкул: Пратэсты ў Беларусі (2020—2021)
У жніўні 2020 году быў арыштаваны на 8 содняў; 1 лістапада 2020 году Шавель быў зноў затрыманы за ўдзел у маршы й арыштаваны на 15 содняў[1][2]. У той жа дзень на яго завялі крымінальную справу паводле арт. 342 КК (арганізацыя й падрыхтоўка дзеяньняў, якія груба парушаюць грамадзкі парадак, альбо актыўны ўдзел у іх)[2].
17 траўня 2021 году быў зноўку затрыманы людзьмі ў цывільным й асуджаны на 15 сутак за «непадпарадкаваньне» супрацоўнікам міліцыі[2]. Пасьля адбыцьця тэрміну яго арыштавалі яшчэ на трое содняў, а 4 чэрвеня зьняволілі ў СІЗА-1 Менску[2]. 8 чэрвеня 2021 году сумеснаю заяваю дзевяці арганізацыяў, сярод якіх Вясна, Беларускі Хэльсынскі камітэт, Беларускі ПЭН-цэнтар, Шавель быў прызнаны палітычным зьняволеным[3][4].
22 верасьня 2021 году суд Заводзкага раёну Менску (судзьдзя — Алег Каляда) прызначыў Шавелю тры гады «хатняй хіміі»[5][6].
Статыстыка выступаў рэдагаваць
| Сэзон | Дывізіён | Клюб | Краіна | Матчы | Галы |
|---|---|---|---|---|---|
| 2017 | дубль | Гарадзея | .svg){kind=small} |
10 | 0 |
| 2018 | дубль | Гарадзея | |
15 | 7 |
| 2020 | Д1 | Гарадзея | |
5 | 0 |
Крыніцы рэдагаваць
- ^ Арестованного игрока «Городеи» Шавеля поддержали Шкурин, Сигневич, Гайдучик и другие футболисты (рас.) Народная Воля Праверана 2020-11-09 г.
- ^ а б в г Форвард «Гарадзеі» не выйшаў на волю пасля чарговага затрымання (бел.). Наша Ніва (2021-06-04). Праверана 2021-09-23 г. Архіўная копія ад 2021-09-23 г.
- ^ Заява праваабарончых арганізацый Беларусі аб прызнанні васьмі новых палітвязняў (бел.). Вясна (2021-06-08). Праверана 2021-09-23 г. Архіўная копія ад 2021-09-23 г.
- ^ Число политзаключённых в Беларуси достигло 476 человек (рас.). Эўрапейскае радыё для Беларусі (2021-06-08). Праверана 2021-09-23 г. Архіўная копія ад 2021-09-23 г.
- ^ Бывший игрок "Городеи" Ростислав Шавель приговорен к 3 годам "домашней химии" (рас.) football.by Праверана 2021-09-23 г.
- ^ Расціслаў Шавель — Палітычныя вязні ў Беларусі (бел.). prisoners.spring96.org. Праверана 2021-09-23 г.