Рамэшбабу Прагнанандга
Рамэшбабу Прагнанандга (па-тамільску: பிரஞ்ஞானந்தா ரமேஷ்பாபு, нар. 10 жніўня 2005) — індыйскі гросмайстар, шахматны вундэркінд. 23 чэрвеня 2018 году атрымаў тытул ґросмайстара (другі маладзейшы ў сусьвеце на момант атрыманьня). 20 лютага 2022 стаў наймаладзейшым шахматыстам, які перамог тагачаснага чэмпіёна сьвету Магнуса Карлсэна[4]. Наймаладзейшы фіналіст сусьветнага шахматнага чэмпіянату[5].
 Рамэшбабу Прагнанандга | |
.jpg) | |
| Краіна | |
|---|---|
| Нарадзіўся | 10 жніўня 2005 (19 гадоў) |
| Званьне | міжнародны майстар[d][2], гросмайстар і майстар ФІДЭ[d] |
| Рэйтынг ФІДЭ | 2707[3] |
| Максымальны рэйтынг | 2707[3] |
Шахматная кар’ера
рэдагавацьУ 2013 Прагнанандга перамог на Сусьветным юнацкім шахматным чэмпіянаце ў катэгорыі «Малодшыя за 8 гадоў», атрымаўшы тытул майстра ФІДЭ. У 2015 годзе ён перамог на гэтым жа турніры ў катэгорыі «Малодшыя за 10 гадоў»[6].
У 2016 годзе Прагнанандга стаў наймаладзейшым міжнародным майстрам у сьвеце ва ўзросьце 10 гадоў, 10 месяцаў і 18 дзён[7].
Упершыню за рэйтынг у 2500 балаў ён перакрочыў ў Юніёрскім сусьветным шахматным чэмпіянаце у лістападзе 2018 году[a].
У ліпені 2019 году перамог на турніры Xtracon Chess Open у Капэнгагене.
У кастрычніку 2019 году перамог на Сусьветным юнацкім шахматным чэмпіянаце ў катэгорыі «Малодшыя за 18 гадоў» з вынікам 9 з 11[8].
У сьнежні 2019 г. стаў другім самым маладым чалавекам, які атрымаў рэйтынг у 2600 балаў Эла.
Удзельнічаў ў Сусьветным шахматным чэмпіянаце 2021 году і дайшоў да 3 туру, дзе прайграў Максіму Ваш’е Ляграфу.
20 лютага 2022 году стаў трэцім у Індыі[b] й наймаладзейшым у сьвеце чалавекам, які абыграў тагачаснага сусьветнага чэмпіёна Магнуса Карлсэна ў любым шахматным фармаце[c].
У студзені 2023 згуляў у Шахматным турніры «Tata Steel-2023», дзе абыграў ґросмайстара і будучага шахматнага чэмпіёну сьвету Дын Ліжэня.
У жніўні 2023 стаў наймаладзейшым фіналістам Сусьветнага шахматнага чэмпіянату; у выніку заняў другое месца, прайграўшы Магнусу Карлсэну ў тай-брэйку па хуткіх шахматах і тым самым забраняваў сабе другое месца ў Турніры прэтэндэнтаў 2024 году.
Заўвагі
рэдагаваць- ^ Рэйтынг 2500+ неабходны для таго, каб атрымаць тытул ґросмайстара
- ^ Пасьля Вішванатана Ананда і Пэнталя Харыкрышны
- ^ У гэтым выпадку анляйн-турнір па хуткіх шахматах Airthings Masters з часавым кантролем 15+10
Крыніцы
рэдагаваць- ^ Praggnanandhaa R // Certificate of Title Result Grandmaster (анг.)
- ^ Praggnanandhaa R // FIDE Ratings and Statistics (анг.)
- ^ а б Рамэшбабу Прагнанангда
- ^ Aljazeera.com
- ^ Chess World Championship 2023 Final Live | Praggnanandhaa Vs Magnus Carlsen Live| Chess WC Final
- ^ Indianexpress
- ^ praggnanandhaa — youngest chessim inhistory.
- ^ Indianexpress — спорт