Раман Семашкевіч

Раман Семашкевіч
	Раман Семашкевіч
Імя пры нараджэньні	Раман Мацьвеевіч Семашкевіч
Дата нараджэньня	1 кастрычніка 1900
Месца нараджэньня	Лебедзева, Вялейскі павет, Віленская губэрня, Расейская імпэрыя;
Дата сьмерці	22 сьнежня 1937 (37 гадоў)
Месца сьмерці	Бутаўскі палігон[d], Дрожжына[d], Ленінскі раён[d], Маскоўская вобласьць, РСФСР, СССР;
Адукацыя	школа Браніслава Тарашкевіча ў Вільні
Месца вучобы	Віленская беларуская гімназія; Віцебская народная мастацкая вучэльня[d]; Вышэйшы мастацка-тэхнічны інстытут[d];
Занятак	жывапіс,; графіка
Сябра ў	Камуністычны саюз моладзі Заходняй Беларусі[d], Маскоўскі саюз мастакоў[d] і Беларускае пралетарскае студэнцкае зямляцтва[d]
Жанры	партрэт, графіка[d] і пэйзаж
Плынь	прымітывізм
	Раман Семашкевіч у Вікісховішчы

Вікіпэдыя мае артыкулы пра іншых асобаў з прозьвішчам Семашкевіч.

Рама́н Семашке́віч (1 кастрычніка 1900, Лебедзева, Віленская губэрня, Расейская імпэрыя, цяпер Маладэчанскі раён — 22 сьнежня 1937) — беларускі жывапісец і графік, удзельнік групы «Трынаццаць».

Біяграфія

Раман Семашкевіч нарадзіўся ў мястэчку Лебедзева Віленскай губэрні, у сялянскай сям’і. Яго бацька, Мацьвей Семашкевіч, працаваў садоўнікам у пана і ў той час вырошчваў у аранжарэі архідэі.

Скончыў Віленскую беларускую гімназію, дзе вучыўся жывапісу й малюнку ў Язэпа Драздовіча ў Вільні, затым у Віцебскай народнай мастацкай вучэльні на скульптурным адьдзяленьні. Скончыў адукацыю ў Маскве, у Вышэйшым мастацка-тэхнічным інстытуце, дзе яго настаўнікамі былі: Дзьмітры Кардоўскі, Аляксандар Дрэвін, Сяргей Герасімаў.

Творчасьць

Раман Семашкевіч. Мужчынская фігура. 1930 г.

Пісаў партрэты, пэйзажы, сцэны з гарадскога жыцьця, жанравыя кампазыцыі. Адважныя й нечаканыя каляровыя рашэньні, наіўнае ўспрыманьне й экспрэсіўнасьць выкананьня вызначылі творчую манеру мастака.

Мастацтва Рамана Семашкевіча высока шанавалі яго сучасьнікі: Надзея Удальцова, Юры Алеша, Ільля Ільф, Тацьцяна Маўрына, Мікалай Харджыеў, Давыд Штэрэнбэрг. Яго палотны набывалі знакамітыя музэі й калекцыянэры.

У 1930 годзе Семашкевіч прыняў удзел у выстаўцы аб’яднаньня «Всекохудожник». Яго першая пэрсанальная выстаўка адбылася ў Маскве ў 1931 годзе. У тым жа годзе карціны Рамана Семашкевіча экспанаваліся на выстаўцы групы «Трынаццаць». З 1932 году сябра аб’яднаньня МАСМ. У 1932—1937 гадах — мастак зьдзейсьніў творчыя паездкі на Урал, на Алтай, у Беларусь.

2 лістапада 1937 году Раман Семашкевіч быў арыштаваны па сфабрыкаваным абвінавачваньні ў «контрарэвалюцыйнай агітацыі» і 22 сьнежня расстраляны. Карціны, якія знаходзіліся ў майстэрні мастака, былі канфіскаваны супрацоўнікамі НКУС. Гэтыя творы лічацца страчанымі.

У 1990 годзе ў Маскве адбылася першая пасьмяротная выстаўка яго прац.

Вядомыя творы

«Чайная» — у зборы Рускага музэю
«Аўтадар» — у зборы Трэцьцякоўскай галерэі

Крыніцы

^ https://web.archive.org/web/20191215211941/http://www.marakou.by/by/davedniki/represavanyya-litaratary/tom-iii-kniga-ii-dadatak/index_28003.html

Літаратура

Ермакова Т. А. Роман Матвеевич Семашкевич. ― М., Третьяковская Государственная галерея, 1990.
Васильева Н. М. Роман Матвеевич Семашкевич. ― М., Галарт, 1996.
Плугина Н. В. Группа «13» в контексте художественной жизни конца 1920-х ― середины 1950-х. Канд. дисс. ― М., 2009.

Вонкавыя спасылкі

[_e23f69804b5997d3-1] ttps://web.archive.org/web/20191215211941/http://www.marakou.by/by/davedniki/represavanyya-litaratary/tom-iii-kniga-ii-dadatak/index_28003.html

[1]