Прыпяць (горад)

	Прыпяць
	укр. Прип’ять
	; Выгляд на цэнтральную плошчу гораду
Герб Прыпяці
Дата заснаваньня:	1970
Горад з:	1979
Краіна:	Украіна
Вобласьць:	Кіеўская
Раён:	Іванкаўскі
Плошча:	8 км²
Вышыня:	127 м н. у. м.
Насельніцтва (2016)
колькасьць:	0 чал.
шчыльнасьць:	менш за 0,01 чал./км²
Часавы пас:	UTC+2
летні час:	UTC+3
Тэлефонны код:	+380 44
Паштовы індэкс:	01196
КОАТУУ:	3211100000
Нумарны знак:	AI, КI / 10
Геаграфічныя каардынаты:	51°24′23.4″ пн. ш. 30°3′26.9″ у. д. / 51.4065° пн. ш. 30.057472° у. д.Каардынаты: 51°24′23.4″ пн. ш. 30°3′26.9″ у. д. / 51.4065° пн. ш. 30.057472° у. д.
	Прыпяць на мапе Ўкраіны Прыпяць
	Галерэя здымкаў у Вікісховішчы
	http://pripyat.com

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Прыпяць (неадназначнасьць).

Прыпяць, або Прып'яць (па-ўкраінску: Прип'ять) — пакінуты горад каля Чарнобыльскай АЭС у паўночнай Украіне (Кіеўская вобласьць), непадалёк ад мяжы зь Беларусьсю.

Гісторыя

Прыпяць заснаваная 4 лютага 1970 году. Статус гораду атрымала ў 1979 годзе пастановай Вярхоўнага Савету Ўкраінскай ССР № 1264/686. Насельніцтва было эвакуяванае 27 красавіка 1986 году праз Чарнобыльскую катастрофу.

Асноўнай прычынай заснаваньня гораду стала будаўніцтва і наступная эксплюатацыя адной з самых буйных у Эўропе Чарнобыльскай атамнай электрастанцыі, якая і дала Прыпяці званьне гораду атамшчыкаў. Прыпяць стала дзявятым у Савецкім Саюзе атамаградам.

Па апошнім праведзеным да эвакуацыі перапісе насельніцтва (лістапад 1985 году), яго колькасьць складала 47 500 чалавек, і ўключала больш за 25 нацыянальнасьцяў. Штогадовы прырост насельніцтва складаў на той момант больш за 1500 чалавек, сярод якіх каля 800 былі нованароджаныя, і прыблізна 500—600 чалавек — прыбылі з розных рэгіёнаў Савецкага Саюзу.

Праектная, першапачаткова разьлічаная колькасьць насельніцтва — 75—78 тысячаў чалавек.

Прыпяць была чыгуначным вузлом (станцыя Янаў), зручным вузлом транспартных магістраляў Палесься, а таксама прыстаньню рачнога суднаходзтва.

Сучасны стан

У цяперашні час у горадзе шмат радыяактыўнага пылу, які выпаў з разбуранага энэргаблёку і складаецца ў адносна стабільных радыяактыўных элемэнтаў. Гэты пыл зьбіраецца ў канавах, паглыбленьнях. Пыл трывала ўмацаваўся ў грунце, дрэвах і дамах. На поўдзень ад гораду разьмяшчаецца т. зв. Руды лес, зьнесены ў хадзе дэзактывацыі Прыпяці і ваколіцаў, але цяпер лес аднаўляецца і ўбірае радыяцыю з грунту. Горад парастае чарнобылем, які вырастаў у ваколіцах і да аварыі.

Панарама

Панарама гораду Прыпяць

Вонкавыя спасылкі

Аб’ява пра эвакуацыю з Прыпяці

Патрэбная дапамога па праслухоўваньні гэтага файла? Зьвярніцеся да старонкі дапамогі.

Прыпяць (горад) — сховішча мультымэдыйных матэрыялаў

Сайт гораду Прыпяць