Нача (прыток Бабра)

рака ў Беларусі
Рака
Нача
Нача
Агульныя зьвесткі
Выток каля в. Баркі
Вусьце Бобр
Краіны басэйну Беларусь
Даўжыня 80 км
Сярэднегадавы сьцёк 3,6 м³/с
Плошча басэйну 526 км²
Нахіл воднай паверхні 0,5 ‰

На́ча — рака ў Крупскім і Барысаўскім раёнах Менскай вобласьці, правы прыток ракі Бабру (басэйн Дняпра). Даўжыня 80 км. Плошча вадазбору 526 км². Выдатак вады ў вусьці 3,6 м³/с. Сярэдні нахіл воднай паверхні 0,5‰.

Асноўны прыток — рака Блудыня (леваруч). Прымае сьцёк з мэліярацыйных каналаў.

Агульныя зьвесткіРэдагаваць

Пачынаецца за 1 км на поўнач ад вёскі Баркі Халопеніцкага сельсавету Крупскага раёну, вусьце на паўднёвай ускраіне вёскі Вяляцічы Барысаўскага раёну.

Даліна трапэцападобная, у многіх месцах невыразная, шырынёй 1—1,5 км. Схілы спадзістыя (вышыня 4—6 м), у нізкай плыні ўмерана стромкія (да 10 м). Абалона двухбаковая, шырынёй 300—600 м, перасечаная мэліярацыйнымі канавамі, большай часткай адкрытая. Рэчышча каналізаванае на працягу 28 км (ад вытоку да вёскі Вялікія Жаберычы), на астатнім працягу зьвілістае, шырынёй 5—10 м[1].

КрыніцыРэдагаваць

  1. ^ Блакітная кніга Беларусі. Энцыкл. — Менск, 1994. С. 265—266

ЛітаратураРэдагаваць

  • Блакітная кніга Беларусі: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Менск: БелЭн, 1994. — 415 с. ISBN 5-85700-133-1. С. 265—266
  • Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971.
  • Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.