Нацыянальная музычная акадэмія Ўкраіны імя Пятра Чайкоўскага
Нацыянальная музычная акадэмія Ўкраіны імя Пятра Чайкоўскага (па-ўкраінску: Національна музична академія України імені Петра Чайковського) — вядучая вышэйшая музычная адукацыйная ўстанова Ўкраіны. Знаходзіцца на цэнтральнай плошчы Кіева — Майдане Незалежнасьці.
| Нацыянальная музычная акадэмія Ўкраіны імя Пятра Чайкоўскага | |
| Національна музична академія України імені Петра Чайковського | |
 Выгляд з боку Майдана Незалежнасьці | |
| Заснаваны | 1913 |
|---|---|
| Тып | грамадзкі |
| Рэктар | Максім Цімашэнка |
| Колькасьць студэнтаў | каля 1500 |
| Месцазнаходжаньне | |
| Горад | Кіеў |
| Краіна | Украіна |
| Былыя назвы | Кіеўская кансэрваторыя |
| Вэб-сайт | knmau.com.ua |
Гісторыя рэдагаваць
Установа была ператвораная з музычнай вучэльні ў кансэрваторыю ў 1913 годзе. Першым рэктарам стаў Уладзімер Пухальскі. Ператварэньню ўстановы ў кансэрваторыю паспрыялі вядомыя музыканты, у тым ліку Сяргей Рахманінаў, Аляксандар Глазуноў. У 1925 годзе малодшыя клясы кансэрваторыі вылучылі ў асобную ўстанову — музычны тэхнікум. У 1934 годзе пры кансэрваторыі была адчынена Сярэдняя адмысловая музычная школа імя Міколы Лысенкі. У 1938 годзе кансэрваторыя атрымала Ордэн Леніна, а ў 1940 годзе — атрымала імя Пятра Чайкоўскага. Указам прэзыдэнта Ўкраіны Леаніда Кучмы ў 1995 годзе кансэрваторыя набыла статус Нацыянальнай музычнай Акадэміі. Але ў размоўнай мове часьцей ужываецца былая назва — Кансэрваторыя.
Сучаснасьць рэдагаваць
Падчас Аранжавай рэвалюцыі будынак акадэміі выкарыстоўваўся для патрэбаў маніфэстантаў. Студэнты Акадэміі пераважна таксама актыўна падтрымалі Рэвалюцыю[1]
Будынак акадэміі рэдагаваць
Разьмешчаны каля галоўнай плошчы Кіева — Майдану Незалежнасьці. Будынак кансэрваторыі пабудаваны ў 1890-х гадах. Спачатку гэта быў гатэль «Кантынэнталь» (па-расейску: Континента́ль). Падчас Другой сусьветнай вайны пабудова была моцна зруйнаваная. Пасьля вайны будынак адбудаваны, у 1955—1958 гадах была пабудаваная канцэртная заля. Будынак Акадэміі мае чатыры паверхі ды дзьве залі («Малую» ды «Вялікую»). У Вялікай зале ідуць канцэрты ды пастаноўкі опэраў, а ў малой — пераважна канцэрты студэнтаў Акадэміі.
Навучэнцы рэдагаваць
- Арсэн Якавенка — піяніст
Крыніцы рэдагаваць
- ^ Студенти Національної музичної академії оголосили страйк (укр.) // Украіна маладая, 4 сьнежня 2004
Вонкавыя спасылкі рэдагаваць
Нацыянальная музычная акадэмія Ўкраіны імя Пятра Чайкоўскага — сховішча мультымэдыйных матэрыялаў