Міхал Юзэф Сапега

Міхал Юзэф Сапега (1670 — 6 сакавіка 1738, Шалён-ан-Шампань) — дзяржаўны і вайсковы дзяяч Вялікага Княства Літоўскага. Чашнік (1687—1692) і стражнік вялікі літоўскі (1692—1698), пісар польны літоўскі (1698—1730), ваявода падляскі (з 1728). Генэрал-маёр войска ВКЛ (1710), генэрал-лейтэнант кавалерыі (1714), генэрал-лейтэнант саксонскага войска (1733)[2]. Быў старостам мельніцкім (з 1725).

Міхал Юзэф Сапега
М. Ю. Сапега. Невядомы мастак, 1728—29 гг.
М. Ю. Сапега. Невядомы мастак, 1728—29 гг.
Herb Sapiehów.PNG
Герб «Ліс»
Асабістыя зьвесткі
Нарадзіўся 1670
Памёр 6 сакавіка 1738
Шалён-ан-Шампань
Пахаваны Францыя
Род Сапегі
Бацькі Бэнэдыкт Павал Сапега
Ізабэла з Тарлаў
Жонка Тэрэза Марыя зь Веляпольскіх
Дзеці Бэнэдыкт Аўгуст, Юзэф Фрыдэрык

БіяграфіяРэдагаваць

 
Тэрэза зь Веляпольскіх

Прадстаўнік чарэйска-ружанскай лініі магнацкага роду Сапегаў гербу «Ліс», сын Бэнэдыкта Паўла, падскарбія вялікага літоўскага, і Ізабэлы з Тарлаў.

Навучаўся ў езуіцкім калегіюме ў Варшаве, у 1687—1688 гадох працягваў адукацыю ў Францыі і Італіі.

У 1687 годзе атрымаў урад чашніка, у 1692 годзе — стражніка, у 1698 годзе — пісара польнага. У 1728 годзе стаў ваяводам падляскім. Абіраўся паслом на соймы 1690, 1720 і 1726 гадоў.

Удзельнічаў у кампаніях супраць туркаў у 1695 і 1698 гадох. У Вялікую Паўночную вайну (1700—1721) у 1702—1709 падтрымліваў Карла XII і Станіслава Ляшчынскага.

Амніставаны Аўгустам Моцным, у 1713 выпраўляўся з пасольствам у Турэччыну. У 1710 годзе стаў генэрал-маёрам войска Вялікага Княства Літоўскага, у 1714 годзе — генэрал-лейтэнантам кавалерыі, у 1733 годзе — генэрал-лейтэнантам саксонскага войска. У 1735 пакінуў межы Рэчы Паспалітай.

У 1700 годзе ажаніўся з Тэрэзай Марыяй (пам. па 1717), дачкой канцлера вялікага кароннага Яна Веляпольскага (пам. 1688). У шлюбе нарадзіліся дзеці:

Спачыў ў парафіяльным касьцёле ў Сямятычах[3].

ГалерэяРэдагаваць

КрыніцыРэдагаваць

  1. ^ а б маёмасьць
  2. ^ Грыцкевіч А.. Сапегі // ВКЛ. Энцыкл. Т. 2. — Менск, 2005. С. 549.
  3. ^ Sapieha E., Saeed-Kałamajska M. Dom Sapieżyński. cz. 2. — Warszawa: Wydawn. Nauk. PWN, 2008. S. 80.

ЛітаратураРэдагаваць

Вонкавыя спасылкіРэдагаваць

  Міхал Юзэф Сапегасховішча мультымэдыйных матэрыялаў