Міхал Чатырка

Міхал Чатырка (1883, мяст. Любча, Наваградзкі павет, Менская губэрня, цяпер Наваградзкі раён, Гарадзенская вобласьць — пасьля 1939, Краснаярскі край, ГУЛАГ) — пэдагог, выкладчык Наваградзкай беларускай гімназіі. Сусьветна вядомы навукоўца Барыс Кіт лічыць М. Чатырку самым таленавітым пэдагогам Наваградзкай гімназіі.

Міхал Чатырка
Дата нараджэньня	1883
Месца нараджэньня	Любча, Наваградзкі павет, Менская губэрня, Расейская імпэрыя
Месца працы	Наваградзкая беларуская гімназія

Біяграфія

Вучыўся ў настаўніцкай сэмінарыі ў Маладэчне, пасьля ў Віленскім пэдагагічным інстытуце, на матэматычным факультэце. Працаваў у в. Сенна, у Наваградку. Некаторы час быў настаўнікам у Міры, а з 1924 году выкладаў матэматыку і фізыку ў Наваградзкай беларускай гімназіі. Пасьля ліквідацыі гімназіі Чатырку перавялі ў заходнюю Польшчу (Цеханаў). З упадкам польскай дзяржавы вярнуўся ў Любчу, дзе быў арыштаваны супрацоўнікам НКУС і разам з усімі грамадоўцамі вывезены ў Ачынскія лягеры (Краснаярскі край), дзе і загінуў.

Літаратура

• Чэмер, Андрэй. Наваградзкая беларуская гімназія / Андрэй Чэмер. — Вільнюс: Savarenas, 1997. — 135 с.: іл.; 20 см — ISBN 9986-749-04-2.