Мінск Мазавецкі

Менск Мазавецкі (па-польску: Mińsk Mazowiecki) — горад ва ўсходняй Польшчы, у Мазавецкім ваяводзтве, варшаўскай аглямэрацыі, месцазнаходжаньне мінскага павету, гарадзкой гміны Мінск Мазавецкі і вясковай гміны Мінск Мазавецкі. Паводле зьвестак 2006 году, у Мінску пражывала 37 529 жыхароў. Адносна шчыльнасьці насельніцтва займае 11-е месца ў Польшчы. У 1975—1998 гадох горад прыналежаў да Сядлецкага ваяводзтва. Горад разьмешчаны за 40 км ад Варшавы. Зьяўляецца мясцовым гаспадарчым (разьвіты гандаль, інфраструктура і прамысловасьць), адукацыйным (вышэйшая школа і 6 сярэдніх школаў), вайсковым (авіябаза, жандармэрыя і ваенкамат), культурным (дом культуры, артыстычная школа, 2 бібліятэкі, 2 музэі, таварыства гісторыкаў) цэнтрам, але першым чынам зьяўляецца месцам жыхарства і адпачынку шматлікіх людзей, якія працуюць у Варшаве. Гісторыя Мінску налічвае звыш шасьцісот гадоў. У 1421 годзе Мінск атрымаў гарадзкія правы. У XІX стагодзьдзі, і ў ІІ сусьветную вайну горад меў вялікую габрэйскую дыяспару, на памяць аб ёй застаўся толькі забыты магільнік і адзін з найбольшых камянёў у Трэблінцы. У Мінску знаходзіцца некалькі аб’ектаў, упісаных да сьпісу помнікаў.

Менск Мазавецкі
польск. Mińsk Mazowiecki
Герб Мінску Мазавецкага Сьцяг Мінску Мазавецкага
Першыя згадкі:	XIV стагодзьдзе
Горад з:	29 траўня 1421
Краіна:	Польшча
Ваяводзтва:	Мазавецкае
Плошча:	13,12 км²
Вышыня:	147 м н. у. м.
Насельніцтва (2016)
колькасьць:	40 386 чал.
шчыльнасьць:	3078,2 чал./км²
Часавы пас:	UTC+1
летні час:	UTC+2
Тэлефонны код:	+48 25
Паштовыя індэксы:	05-300, 301, 303
Нумарны знак:	WM
Геаграфічныя каардынаты:	52°11′0″ пн. ш. 21°34′0″ у. д.
Менск Мазавецкі на мапе Польшчы Менск Мазавецкі
Галерэя здымкаў у Вікісховішчы
http://www.minsk-maz.pl/

Вонкавыя спасылкі

• Афіцыйны сайт (пол.)
• Mińsk Mazowiecki — Twoje Wirtualne Miasto (пол.)
• Сайт вясковай гміны Мінск Мазавецкі (пол.)