Менска-Магілёўская архідыяцэзія
| Менска-Магілёўская архідыяцэзія | |
|---|---|
| |
| Дэканатаў | 6 |
| Парафіяў | 110 |
| Сьвяты апякун | |
| Ардынарый | Юзаф Станеўскі |
| Дапаможны біскуп | Юры Касабуцкі |
Ме́нска-Магілё́ўская архідыяцэ́зія (лац. Archidioecesis Minscensis Latinorum-Mohiloviensis Latinorum) — каталіцкая архідыяцэзія ў Беларусі, утвораная 13 красавіка 1991 году аб’яднаньнем Менскай і Магілёўскай архідыяцэзіяў.
Парафіі Менска-Магілёўскае архідыяцэзіі месьцяцца ў Менскай і Магілёўскай вобласьцяў (першапачаткова — таксама і Віцебскай, на тэрыторыі якой у 1999 была ўтвораная асобная Віцебская дыяцэзія). Аб’ядноўвае Менскі, Будслаўскі, Вілейскі, Магілёўскі, Нясьвіскі і Рубяжэвіцкі дэканаты.
Мінуўшчына
рэдагаваць
Першым арцыбіскупам Менска-Магілёўскім быў прызначаны Казімер Сьвёнтак. З 1999 да 2003 дапаможным біскупам архідыяцэзіі быў Кірыл Клімовіч, у сьнежні 2004 на гэтую пасаду быў пастаўлены Антоні Дзям’янка. 14 чэрвеня 2006 Папа Бэнэдыкт XVI прыняў прашэньне кардынала Сьвёнтка аб вызваленьні ад кіраўніцтва архідыяцэзіяй і прызначыў Антонія Дзям’янку апостальскім адміністратарам. 21 верасьня 2007 году папа Бэнэдыкт XVI прызначыў арцыбіскупам Менска-Магілёўскім Тадэвуша Кандрусевіча. З дня ягонага кананічнага ўступленьня на пасаду (10 лістапада таго ж году) Антоні Дзям’янка зьяўляецца Генэральным вікарыем архідыяцэзіі.
У жніўні 2013 году адчынілі Менскі тэалягічны каледж для падрыхтоўкі мясцовых сьвятароў[1].
Біскупы
рэдагаваць- Казімер Сьвёнтак (1991 — 14 чэрвеня 2006)
- Тадэвуш Кандрусевіч (21 верасьня 2007 — 2021)
- Юзаф Станеўскі (з 14 верасьня 2021 году)
Крыніцы
рэдагаваць- ^ Алена Ляўковіч. Свабода сумленьня да многага абавязвае // Зьвязда : газэта. — 23 студзеня 2014. — № 12 (27622). — С. 2, 6. — ISSN 1990-763x.