Мікалайчыкі

Мікала́йчыкі (па-ўкраінску: миколайчики) — ласункі, традыцыйная страва на «зімовага Міколу» ў славянаў, у прыватнасьці ва Ўкраіне. Гатуюць гэтае печыва зь мядовага цеста са спэцыямі. Найчасьцей выразаюць печыва ў форме Сьвятога Мікалая, сярод іншых варыянтаў — Сонца, зоркі, Месяц, ялінкі, птушкі, анёлы, казакі і да т. п. Пасьля выпяканьня магчыма пакрыцьцё цукровай ці шакаляднай глязурай.

Мікалайчыкі

Падобныя стравы сустракаюцца таксама ў Люксэмбургу (боксэманэрхэр), Нямеччыне (вэкман, штутэнкерль), Францыі (маналя, манэле, Жан Баном), Швайцарыі (грыцьцібэнц).

Рэцэпт прыгатаваньня

Цукар расчыніць у невялікай колькасьці вады, пакласьці мяту і на воднай лазьні прыгатаваць сіроп. Мяту выняць.

Калі сіроп ахалоне, дадаць мёд, соду і ўзьбіваць усё разам да аднароднае масы, дадаючы маргарын, прасеяную муку, спэцыі, гарэлку, соль. Вымешваць да мяккасьці, пасьля паставіць на 20—30 хвілін у халоднае месца, накрыўшы сурвэткаю.

Цеста падзяліць на кавалкі, кожны раскачаць таўшчынёю 0,5—1 см, выразаць фігуркі. Выкласьці на бляху, пасыпаную мукой, выпякаць да гатоўнасьці.

Печыва можна ўпрыгожыць каляровай палівай або цукровай пудраю. Для прыгатаваньня палівы трэба зварыць цукар у вадзе (2:1), пакуль сіроп ня будзе цягнуцца з лыжкі, як тоўстая нітка. У атрыманы сіроп можна дадаць трохі ваніліну ці карыцы.

Складнікі

• Мёд — 250 г
• цукар — 100 г
• мука — 500 г
• сода — 1 ч. лыжка
• маргарын — 100 г
• гарэлка — 50 г
• карыца, каляндра, імбір
• соль
• колькі лісточкаў мяты

Глядзіце таксама

• Каляднае палена(fr)

Літаратура

• «Миколайчики»  (укр.) // Украïнська традиційна кухня. — Киïв: Балтія Друк.

Вонкавыя спасылкі

• Фатаздымкі(недаступная спасылка)