Мяцеж ПВК Вагнэр
Мяцеж ПВК «Вагнэр» — 2-дзённы ўзброены мяцеж прыватнага вайсковага прадпрыемства Яўгена Прыгожына супраць міністра абароны Расеі Сяргея Шайгу, што пачаўся 23 чэрвеня 2023 году ў Растоўскай вобласьці.
Мяцеж ПВК «Вагнэр» | |||||||||||
|---|---|---|---|---|---|---|---|---|---|---|---|
 Тэрыторыя Расейскае Фэдэрацыі Тэрыторыі, захопленыя ПВК падчас мяцяжу | |||||||||||
| |||||||||||
Супернікі | |||||||||||
| ПВК «Вагнэр» | Міністэрства абароны Расеі | ||||||||||
Камандуючыя | |||||||||||
| Яўген Прыгожын | Сяргей Шайгу | ||||||||||
Колькасьць | |||||||||||
| 25 тыс. чал. (Па заявах Прыгожына)[1] | 1 млн чал. | ||||||||||
Страты | |||||||||||
| цяжкавік і пікап | 15 забітых, 6 верталётаў, самалёт, бронеаўтамабіль і цяжкавік | ||||||||||
23 чэрвеня 2023 году кіраўнік ПВК «Вагнэр» Яўген Прыгожын заявіў, што Міністэрства абароны Расеі правяло ракетна-бомбавыя ўдары па тылавых лягерах «Вагнэра», і заклікаў да ўзброенага мяцяжу супраць міністра Сяргея Шайгу. Фэдэральная служба бясьпекі Расеі ўзбудзіла крымінальную справу супраць Прыгожына за гэты заклік паводле артыкула 279 Крымінальнага кодэксу Расеі[1]. Зранку 24 чэрвеня вайсковая тэхніка «Вагнэра» ўвайшла ў Растоў-на-Доне, дзе заняла штаб Паўднёвай вайсковай акругі, і рушыла далей на поўнач у Варонескую вобласьць у кірунку Масквы. Нацыянальны антытэрарыстычны цэнтар Расеі абвясьціў контартэрарыстычную апэрацыю ў Варонескай і Маскоўскай абласьцях[2].
Увечары 24 чэрвеня Прыгожын спыніў рух вайсковай калёны «Вагнэра» ў бок Масквы на прапанову Аляксандра Лукашэнкі, зь якім вёў перамовы цягам дня[3]. Пры пасярэдніцтве Лукашэнкі дамовіліся пра спыненьне крымінальнай справы супраць Прыгожына, які меў пераехаць у Беларусь. Наймітаў «Вагнэра» таксама вызвалілі ад перасьледу за ўдзел у мяцяжы. Ім прапанавалі падпісаць кантракт зь Міністэрствам абароны Расеі[4]. У выніку за 200 км ад Масквы, пасьля перамяшчэньня далей на поўнач зь Ліпецкай вобласьці ў Тульскую, калёна «Вагнэра» разьвярнулася і рушыла назад у палявыя лягеры[5].
Крыніцы
рэдагаваць- ^ БелТА. Спроба ваеннага бунту кіраўніка ПВК «Вагнэр» у Расеі: што вядома на дадзены момант // Газэта «Зьвязда», 24 чэрвеня 2023 г. Праверана 24 чэрвеня 2023 г.
- ^ Тэлеканал «Беларусь 1». Супраць кіраўніка і заснавальніка прыватнай ваеннай кампаніі «Вагнэр» Яўгена Прыгожына ўзбуджана крымінальная справа // Белтэлерадыёкампанія, 24 чэрвеня 2023 г. Праверана 24 чэрвеня 2023 г.
- ^ БелТА. Мезенцаў: Лукашэнка і Пуцін пацьвердзілі гатоўнасьць да ўзаемадзеяньня ў імя грамадзян // Газэта «Зьвязда», 25 чэрвеня 2023 г. Праверана 25 чэрвеня 2023 г.
- ^ ТАСС. Пяскоў: Масква высока цэніць пасрэдніцкія намаганьні Аляксандра Лукашэнкі // Газэта «Зьвязда», 25 чэрвеня 2023 г. Праверана 25 чэрвеня 2023 г.
- ^ Лукашэнка правёў перагаворы з кіраўніком ПВК «Вагнэр» Прыгожыным // Радыё «Спадарожнік», 24 чэрвеня 2023 г. Праверана 25 чэрвеня 2023 г.
| Гэта — накід артыкула. Вы можаце дапамагчы Вікіпэдыі, пашырыўшы яго. |