Мэдаль Партызана
Мэдаль Партызана — узнагарода рады БНР для ўдзельнікаў беларускага паваеннага антысавецкага руху.
| Медаль Партызана | |
| Дэвіз | I ступень: За Бацькаўшчыну |
|---|---|
| Краіна |
.svg){kind=small} Беларуская Народная Рэспубліка |
| Тып | мэдаль |
| Каму ўручаецца |
ўдзельнікам беларускага паваеннага антысавецкага руху I ступень: камандоўцы й начальнікі штабаў партызанскіх аддзелаў; за выдатныя баявыя заслугі — любы партызан |
| Падставы ўзнагароджаньня | змаганьне за незалежнасьць Беларусі й прапанова чалавека партызанскім штабам |
| Статус | уручаецца |
| Статыстыка | |
| Дата заснаваньня | 1 верасьня 1949 году |
| Першае ўзнагароджаньне | 6 жніўня 1951 году |
| Чарговасьць | |
| Старэйшая ўзнагарода | Ордэн Пагоні |
Мінуўшчына
рэдагавацьМэдаль зацьверджаны 1 верасьня 1949 году дэкрэтам прэзыдэнта Рады БНР Міколы Абрамчыка. Спачатку ім узнагароджваліся «беларусы, якія змагаліся ў радох Беларускай Нацыянальнай Партызанкі за Незалежнасьць Беларусі супроць акупантаў: на прапанову партызанцкага штабу». Статут быў зацьверджаны й пачаў дзейнічаць з 6 жніўня 1951 году. У 1952 року права ўзнагароджаньня Мэдалем Партызана атрымаў «начальнік штабу беларускіх партызанаў».
Аднак пакуль не вядома, ці была вырабленая гэтая ўзнагарода, ці яна засталася толькі праектам. У беларускай газэце «Бацькаўшчына», якая выдавалася ў Мюнхэне, у нумары за 24 лютага 1952 году быў пададзены толькі малюнак мэдаля, а таксама статут. У гэтай публікацыі былі таксама й іншыя ўзнагароды БНР.
Апісаньне
рэдагавацьМае дзьве ступені, выконваецца адпаведна ў золаце (1-я ступень) і срэбры (2-я ступень). Стужка — чырвона-зямельна-зялёная. На стужцы I ступені дзьве скрыжаваныя стрэльбы. На пярэднім баку мэдаля стрэльбы, а пад імі надпіс «Б.Н.Р.». На адваротным жа баку парадкавы нумар. Таксама на адваротным баку першай ступені быў выбіты спокліч: «За Бацькаўшчыну».
Мэдаль першае ступені маглі атрымаць камандоўцы й начальнікі штабаў партызанскіх аддзелаў, а за «выдатныя баявыя заслугі» — кожны партызан.
Ступені
рэдагаваць- Мэдаль Партызана 1-й ступені
- Мэдаль Партызана 2-й ступені