Межы

Межы — пасёлак у Даўгалескім сельсавеце Гомельскага раёну Гомельскай вобласьці Беларусі. На захадзе мяжуе зь лесам (урочышча Межы).

Межы
трансьліт. Miežy
Першыя згадкі:	20 стагодзьдзе
Краіна:	Беларусь
Вобласьць:	Гомельская
Раён:	Гомельскі
Сельсавет:	Даўгалескі
Насельніцтва (2004)
колькасьць:	10 чал.
колькасьць двароў:	7
Часавы пас:	UTC+3
Тэлефонны код:	+375 232
Паштовы індэкс:	247032
СААТА:	3210824031
Нумарны знак:	3
Геаграфічныя каардынаты:	52°13′28″ пн. ш. 30°45′20″ у. д.
Межы на мапе Беларусі ± Межы Межы

Пасёлак разьмешчаны ў 20 км ад чыгуначнай станцыі Шчарбоўка (на лініі Каленкавічы — Гомель), 27 км на паўднёвы захад ад Гомля.

На поўдні, усходзе ды поўначы мэліяратыўныя каналы, злучаныя з ракой Дняпро.

Транспартныя сувязі па просёлачнай, затым аўтамабільнай дарозе Міхалькі — Каленкавічы — Гомель. Пляніроўка пасёлка складаецца з кароткай прамалінейнай вуліцы, забудаванай драўляными дамамі сядзібнага тыпу.

Пасёлак заснаваны напачатку 20 стагодзьдзя перасяленцамі з суседніх вёсак. у 1926 годзе працаваў паштовы пункт, у Карналінскім сельсавеце Дзятлаўскага раёну Гомельскай акругі. У 1931 годзе жыхары ўступілі ў калгас. Падчас Вялікай Айчыннай вайны 5 жыхароў загінулі на фронце. У 1959 годзе ў складзе саўгасу «Мірны» (цэнтар — вёска Міхалькі).

Насельніцтва

• 1926 год — 37 двароў, 213 жыхароў.
• 1959 год — 119 жыхароў (згодна перапісу).
• 2004 год — 7 двароў, 10 жыхароў.

Літаратура

• Гарады і вёскі Беларусі. Энцыкл. Т. 1. Кн. 1. — Менск, 2004.