Мастацтва (часопіс)

«Мастацтва» — ілюстраваны часопіс. Штомесячнае грамадзка-асьветніцкае выданьне Міністэрства культуры, Дзяржаўнага камітэту па кінэматаграфіі, Беларускага саюзу мастакоў, Беларускага саюзу кампазытараў, Беларускага саюзу кінэматаграфістаў і Беларускага саюзу тэатральных дзеячаў пра выяўленчае мастацтва, фатаграфію, музыку, тэатар, кінамастацтва.

«Мастацтва»
Пэрыядычнасьць	штомесяц
Краіна	Беларусь
Адрас	Праспэкт Незалежнасьці, 77, Менск
Заснавальнік	Міністэрства культуры Рэспублікі Беларусь
Выдавец	Рэдакцыйна-выдавецкая ўстанова «Культура і мастацтва»
Галоўны рэдактар	Вераніка Клютчэня (2022)
Дата заснаваньня	студзень 1983
Мова	беларуская
Аб’ём	52
Наклад	2000 (2012)
ISSN	0208-2551
Афіцыйны сайт	kultura-info.by/contacts…

Гісторыя

Аналітычна-асьветніцкі часопіс па пытаньнях тэорыі, гісторыі й практыкі нацыянальнага й сусьветнага мастацтва выдаецца з 1983 году ў Менску на беларускай мове. Да 1992 называўся «Мастацтва Беларусі».

Зьмест

Публікуе матэрыялы па пытаньнях эстэтыкі, тэорыі й гісторыі беларускага мастацтва, мастацкай спадчыны, асьвятляе разьвіцьцё сучаснага прафэсійнага, народнага й самадзейнага мастацтва, творчасьць дзеячаў мастацтва ў Беларусі, а таксама культурнае жыцьцё й творчасьць беларусаў замежжа й нацыянальных меншасьцей на Беларусі. Вядзе хроніку мастацкага жыцьця рэспублікі, публікуе рэцэнзіі на новыя кнігі па мастацтву.

Узнагароды

Пераможца ІІ і V нацыянальных конкурсаў друкаваных СМІ «Залатая літара» (2006, 2009)

Галоўныя рэдактары

• Міхась Раманюк (1983—1985)
• Яўген Сахута (1985—1991)
• Аляксей Дудараў (1991—2002)
• Вадзім Салееў (2002—2004)
• Мікола Гіль (2004—2008)
• Людміла Грамыка (2008—2014)
• Алена Каваленка (2015—2021)
• Вераніка Клютчэня (з 2022)

Літаратура

• «Мастацтва». // Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2000. — Т. 10: Малайзія — Мугаджары. — 544 с. — ISBN 985-11-0169-9 — С. 197.
• «Мастацтва». // Культура Беларусі: энцыклапедыя / рэдкал.: В. Калістратава (гал. рэд.) [і інш.]. — Менск: Беларус. Энцыкл. імя П. Броўкі, 2014. — Т. 5. — 663с.:іл. с. — 2000 ас. — ISBN 978-985-11-0805-9 — С. 421, 422.
• Я. М. Сахута. «Мастацтва Беларусі». // Этнаграфія Беларусі: Энцыклапедыя / Рэдкалегія: І. Шамякін (гал. рэд.) і інш. — Менск: БелСЭ, 1989. С. 309, 310.
• Анатоль Смольскі. «Мастацтва». // Энцыклапедыя гісторыі Беларусі. У 6 т.. — Мн.: 1999 Т. 5: М — Пуд. — С. 93. — С. 93.

Вонкавыя спасылкі

• Часопіс «Мастацтва». Рэдакцыйна-выдавецкая ўстанова «Культура і Мастацтва».
• Архіў часопіса «Мастацтва». Рэдакцыйна-выдавецкая ўстанова «Культура і Мастацтва».
• Часопіс «Мастацтва» Камунікат.org. Беларуская Інтэрнэт-Бібліятэка.