Марга Робі
Ма́рга Ро́бі (па-ангельску: Margot Robbie; нарадзілася 2 ліпеня 1990 году) — аўстралійская акторка і прадусарка. Вядомая сваімі ролямі як у блокбастэрах, гэтак і ў незалежных фільмах. Намінантка шэрагу прэстыжных кінапрэміяў, як то Оскар, Залаты Глёбус, BAFTA ды іншых. У 2017 годзе часопіс Time улучыў яе ў сьпіс 100 самых уплывовых людзей сьвету, а ў 2019 годзе яна ўвайшла ў лік самых высокааплатных акторак. Ейным мужам ёсьць ангельскі кінапрадусар Том Экерлі.
Марга Робі | |
| па-ангельску: Margot Robbie | |
_(cropped).jpg) | |
| Дата нараджэньня | 2 ліпеня 1990 (34 гады) |
|---|---|
| Месца нараджэньня | |
| Месца вучобы | |
| Занятак | акторка, кінаакторка, мадэлька, кінапрадусарка, акторка агучваньня |
| Месца працы | |
| Сябра ў | Акадэмія кінэматаграфічных мастацтваў і навук[d][1] |
| Узнагароды | прэмія «Залатыя дурні»[d] (2013) прэмія «Імпэрыя»[d] (2014) прэмія «Імпэрыя» найлепшай пачаткоўцы[d] (2014) прэмія «Выбару крытыкаў» за найлепшую жаночую ролю ў гульнявым кіно[d] (2016) прэмія «Выбар народу»[d] (2017) міжнародная прэмія AACTA за найлепшую жаночую ролю[d] (2018) прэмія «Выбару крытыкаў» за найлепшую жаночую ролю ў камэдыі[d] (2018) прэмія «Выбару крытыкаў»[d] прэмія ААКТМ[d] прэмія Сан-Жордзі[d] (2020)
|
| IMDb | ID nm3053338 |
| Подпіс | 
|
Біяграфія
рэдагавацьНарадзілася і гадавалася ў аўстралійскім штаце Кўінзлэндзе, дзе і пачала сваю кар’еру ў тэлесэрыяле «Суседзі», які выходзіў з 2008 па 2011 гады. У пачатку 2010-х гадоў Робі з Мэльбурну пераехала ў Бруклін. Пасьля гэтага здымалася ў сэрыяле «Пан Амэрыкан», які, аднак, цягнуўся толькі адзін сэзон. У 2013 годзе зьявілася ў фільме Рычарда Кэртыса «Нарэшце», дзе галоўныя ролі выканалі Донал Глісан і Рэйчэл Макадамз. Сапраўдным штуршком у кар’еры сталася зьяўленьне ў тым жа 2013 годзе ў фільме жанра чорнай камэдыі «Воўк з Ўол-стрыт». На праслухоўваньні Дыкапрыё атрымаў ад Робі аплявуху падчас сцэны сваркі. Такая імправізацыя ў канчатковым выніку дапамагла акторцы здабыць ролю[2]. Асаблівую ўхвалу акторка атрымала за свой набыты бруклінскі акцэнт[3]. Посьпех быў замацаваны галоўнымі ролямі Джэйн Портэр у «Легендзе пра Тарзана» (2016) і Гарлі Кўін у супэргеройскіх фільмах «Атрад самагубцаў» (2016), «Драпежныя птушкі: Фантастычная гісторыя Гарлі Кўін» (2020) і «Атрад самагубцаў: Місія наскрозь» (2021).
Робі атрымала крытычную ўхвалу і намінацыю на прэмію Оскар як найлепшая акторка за ейнае адлюстраваньне фігурысткі Тоні Гардынг у біёпіку «Я, Тоня» (2017). Таксама вылучаюцца ейныя ролі каралевы Лізаветы I у драме «Мэры — каралева Шатляндыі» (2018), Шэран Тэйт у камэдыйнай драме «Аднойчы ў Галівудзе» (2019) і выдуманай супрацоўніцы тэлеканалу Fox News у драматычным фільме «Скандал» (2019). Яна атрымала намінацыі на прэмію BAFTA за ўсе тры фільмы і вылучэньне на прэмію Оскар як найлепшая акторка другога пляну за апошні фільм.
Робі выступіла адной з прадусарак кінастужкі «Дзяўчына, якая падае надзеі» (2020), камэдыйным трылеры пісьменьніцы і рэжысэркі Эмэральд Фэнэл. Прэм’ера фільму адбылася на кінафэстывалі Санданс 2020 году[4][5], а пазьней, горача прынятая крытыкамі, стужка атрымала намінацыю на прэмію Оскар[6]. У наступным Робі атрымала шмат прапановаў і зьнялася ў камэдыі Дэйвіда Расэла «Амстэрдам» (2022) і эпічнай камэдыйнай драме «Бабілён» (2022), дзе таксама галоўную ролю выканаў Брэд Піт[7]. У 2023 годзе плянуецца прэм’ера рамантычнай камэдыі «Барбі», дзе поруч з акторкай галоўную ролю выканаў Раян Госьлінг[8].
Крыніцы
рэдагаваць- ^ https://www.variety.com/2017/film/news/academy-new-members-class-of-2017-1202481404/
- ^ Kenyon, Zara (23 April 2017). «Why Margot Robbie Slapped Leonardo DiCaprio During Her 'Wolf of Wall Street' Audition». Harper’s Bazaar.
- ^ Liebman, Lisa (2 July 2014). «The Best, and Worst, New York Accents on Film». Vanity Fair.
- ^ Ramos, Dino-Ray (27 December 2020). «'Promising Young Woman' And 'Pinocchio' Debuts Bring Some Holiday Coin To Specialty Box Office». Deadline Hollywood.
- ^ Geisinger, Gabriella (5 May 2021). «A deep dive into Promising Young Woman's creative prowess». Digital Spy.
- ^ Sharf, Zack (15 March 2021). «Oscars Nominations: 'Mank' Leads with 10 Noms, Plus 'Nomadland,' 'Judas,' 'Minari,' 'Sound of Metal,' and More». IndieWire.
- ^ Rubin, Rebecca (28 April 2022). «Damien Chazelle’s Star-Studded Hollywood Drama 'Babylon' Drops Footage at CinemaCon». Variety.
- ^ Donnelly, Matt (26 April 2022). «Margot Robbie’s 'Barbie' Sets 2023 Release Date». Variety.
Вонкавыя спасылкі
рэдагаваць- Марга Робі (анг.) на сайце IMDb