Мэльбурн
Мэльбурн (па-ангельску: Melbourne [ˈmɛlbə(r)n], мясцовае вымаўленьне таксама [ˈmælbən, -bn̩]) — другі паводле велічыні горад у Аўстраліі, цэнтар штату Вікторыя, разьмешчаны вакол заліва Порт-Філіп. Колькасьць насельніцтва з прыгарадамі складае каля 3,8 мільёну чалавек (паводле ацэнак на 2007 год)[1].
| Мэльбурн | |||||
| анг. Melbourne | |||||
| |||||
| |||||
| Першыя згадкі: | 1835 | ||||
| Горад з: | 1847 | ||||
| Краіна: | Аўстралія | ||||
| Штат: | Вікторыя | ||||
| Плошча: | 9992,5 км² | ||||
| Вышыня: | 31 м н. у. м. | ||||
| Насельніцтва (2018) | |||||
| колькасьць: | 4 900 000 чал. | ||||
| шчыльнасьць: | 490,37 чал./км² | ||||
| Часавы пас: | UTC+10 | ||||
| летні час: | UTC+11 | ||||
| Тэлефонны код: | 0370, 0371, 0372, 0374, 0376, 0377, 0378, 0379, 0383, 0385, 0386, 0390, 0391, 0392, 0393, 0394, 0395, 0396, 0398, 0399 | ||||
| Паштовы індэкс: | 3000–3207 | ||||
| Геаграфічныя каардынаты: | 37°48′51″ пд. ш. 144°57′47″ у. д. / 37.81417° пд. ш. 144.96306° у. д.Каардынаты: 37°48′51″ пд. ш. 144°57′47″ у. д. / 37.81417° пд. ш. 144.96306° у. д. | ||||
Мэльбурн на мапе Аўстраліі   Мэльбурн | |||||
 Галерэя здымкаў у Вікісховішчы
| |||||
| http://melbourne.vic.gov.au/ | |||||
Горад лічыцца адным з асноўных камэрцыйных, прамысловых і культурных цэнтраў Аўстраліі. Мэльбурн таксама часта завуць «спартовай і культурнай сталіцай» краіны, бо ў ім праходзяць шматлікія спартовыя і культурныя падзеі ў жыцьці Аўстраліі[2]. Горад знакаміты сваім спалучэньнем віктарыянскай і сучаснай архітэктуры, шматлікімі паркамі і садамі, шматаблічным і шматнацыянальным насельніцтвам. У 1956 годзе Мэльбурн прымаў у сябе летнія Алімпійскія гульні, а ў 2006 годзе — Гульні Садружнасьці[2]. Тут жа ў 1981 годзе праходзіла сустрэча кіраўнікоў дзяржаваў Брытанскай Садружнасьці нацыяў, а ў 2006 годзе — саміт «Групы дваццаці», у якім прынялі ўдзел кіраўнікі дзевятнаццаці найбольш разьвітых краінаў.
Мэльбурн быў заснаваны вольнымі пасяленцамі ў 1835 годзе як сельскагаспадарчае паселішча на беразе ракі Яры (гэта адбылося праз 47 гадоў пасьля зьяўленьня першага эўрапейскага паселішча ў Аўстраліі)[3]. Дзякуючы залатой ліхаманцы ў Вікторыі горад хутка ператварыўся ў мэтраполію і стаў да 1865 году самым буйным і найважнейшым горадам Аўстраліі[4]. Але ўжо ў пачатку XX стагодзьдзя ён саступіў пальму першынства Сыднэю[5].
У пэрыяд з 1901 году, калі была ўтворана Фэдэрацыя Аўстраліі, і да 1927 году, калі сталіцай дзяржавы стаў горад Канбэра, у Мэльбурне разьмяшчаліся аўстралійскія ўрадавыя ўстановы[6].
Глядзіце таксама
рэдагаваць- Плошча Фэдэрацыі
- Плян Годла — праект забудовы Мэльбурну
- Мэльбурнскі музэй
Крыніцы
рэдагаваць- ^ Regional Population Growth, Australia, 2006-07. (анг.). Australian Bureau of Statistics. Праверана 2010-02-08 г.
- ^ а б Commonwealth Games Melbourne 2006 (анг.). Australian Government. Culture and Recreation Portal. Праверана 2010-02-08 г.
- ^ City of Melbourne. Settlement – foundation and surveying. (анг.). City of Melbourne. Праверана 2010-02-08 г.
- ^ James Jupp. Fassa The Snowy Mountains Scheme and Multicultural Australia. (анг.). Australian Academy of Technological Sciences and Engineering.. Праверана 2010-02-08 г.
- ^ Robert. Lee Linking a Nation: Australia's Transport and Communications 1788 - 1970. (анг.). Australian Government. Australian Heritage Council.. Праверана 2010-02-08 г.
- ^ Kristin.Otto When Melbourne was Australia’s capital city. (анг.). The University of Melbourne/. Праверана 2010-02-08 г.
Вонкавыя спасылкі
рэдагаваць
Мэльбурн — сховішча мультымэдыйных матэрыялаў