Максім Плотнікаў
Максім Плотнікаў (нарадзіўся 28 студзеня 1998 году) — беларускі футбаліст, брамнік жодзінскага клюбу «Тарпэда-БелАЗ» і нацыянальнай зборнай Беларусі.
| Максім Плотнікаў | ||
| ||
| Пэрсанальная інфармацыя | ||
|---|---|---|
| Нарадзіўся | 28 студзеня 1998[1][2] (26 гадоў) | |
| Рост | 187 см | |
| Вага | 82 кг[4] | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 2016—2021 | Дынама Менск | 37 (0) |
| 2017—2018 | → Дняпро Магілёў | 24 (0) |
| 2018 | → Тарпэда-БелАЗ | 4 (0) |
| 2022 | Шахцёр Салігорск | 12 (0) |
| 2023 | Касьпі | 20 (0) |
| 2024 | Арсэнал Койданаў | 3 (0) |
| 2024 | Тарпэда-БелАЗ | 6 (0) |
| Зборныя | ||
| 2018—2020 | Беларусь (да 21) | 4 (0) |
| 2019—2023 | Беларусь | 6 (0) |
Кар’ера
рэдагавацьКлюбная
рэдагавацьВыхаванец пінскай СДЮШАР-3, у юнацкім узросьце далучыўся да менскага «Дынама». З 2015 году пачаў выступаць за дубль менчукоў і неўзабаве замацаваўся ў складзе каманды. 9 ліпеня 2017 году дэбютаваў у асноўнай камандзе менчукоў, правёўшы ўсе 90 хвілінаў у матчы Кубка Беларусі супраць «Чысьці» (4:0), дзе «Дынама» ў асноўным складалася з маладых гульцоў. Неўзабаве быў аддадзены ў арэнду ў першалігавы «Прамень»[5]. У «Промні» стаў асноўным брамнікам і паводле вынікаў сэзону дапамог камандзе выйсьці ў Найвышэйшую лігу. Быў прызнаны найлепшым брамнікам Першай лігі.
У студзені 2018 году пасьля вяртаньня з арэнды трэнаваўся з асноўнай камандай «Дынама», аднак пасьля падпісаньня дынамаўцамі Андрэя Гарбунова зноў далучыўся да «Промня», і неўзабаве арэнда была падоўжана яшчэ на адзін сэзон[6]. Пачынаў сэзон 2018 году ў дублі «Промня», у Найвышэйшай лізе дэбютаваў 28 красавіка 2018 году ў матчы супраць магілёўскага «Дняпра» (2:0), дзе дапамог сталічнай камандзе здабыць першую ў гісторыі перамогу ў элітным дывізіёне.
У ліпені 2018 году аддадзены ў арэнду клюбу «Тарпэда-БелАЗ»[7]. У сьнежні 2018 году вярнуўся ў менскае «Дынама» з арэнды[8]. Застаўся ў камандзе на сэзон 2019 году, дзе здолеў выйграць канкурэнцыю ў Сяргея Ігнатовіча і стаць асноўным брамнікам сталічнай дружыны. У ліпені 2020 году падоўжыў кантракт з клюбам[9]. Зь лета 2020 году стаў радзей зьяўляцца ў складзе праз траўмы, у 2021 годзе ўвогуле не выходзіў на поле, толькі часам заставаўся на лаўцы запасных. У сьнежні 2021 году па заканчэньні кантракту пакінуў «Дынама»[10]. У студзені 2022 году знаходзіўся на праглядзе ў салігорскім «Шахцёры» і ў лютым склаў дамову з клюбам[11]. Пачынаў сэзон асноўным брамнікам, зь верасьня саступіў месца на поле Сяргею Чэрніку. У студзені 2023 году паводле пагадненьня бакоў скасаваў кантракт з «Шахцёрам»[12].
У лютым 2023 года стаў гульцом казаскага «Касьпію»[13]. Быў асноўным брамнікам каманды. У кастрычніку 2023 году атрымаў пералом нагі[14] і выбыў на працяглы тэрмін. У сакавіку 2024 году далучыўся да койданаўскага «Арсэналу»[15], дзе пасьля аднаўленьня ад траўмы пачаў выходзіць на поле. У ліпені пакінуў клюб[16] і неўзабаве падпісаў кантракт з жодзінскім «Тарпэда-БелАЗ»[17].
Міжнародная
рэдагавацьУ 2013—2015 гадах выступаў за юнацкую зборную Беларусі (да 17 гадоў) у кваліфікацыі чэмпіянату Эўропы. У 2015—2016 гадах прыцягваўся да юніёрскай зборнай Беларусі (да 19 гадоў), аднак у кваліфікацыйных матчах чэмпіянату Эўропы заставаўся на лаўцы запасных. 8 чэрвеня 2018 году дэбютаваў у моладзевай зборнай Беларусі, адгуляўшы ўсе 90 хвілінаў у таварыскім матчы супраць Альбаніі (1:1). Быў другім брамнікам моладзевай зборнай пасьля Паўла Паўлючэнкі, хоць шмат адсутнічаў праз траўм.
9 верасьня 2019 году дэбютаваў у нацыянальнай зборнай Беларусі, адгуляўшы ўсе 90 хвілінаў у таварыскім матчы супраць зборнай Ўэйлзу (0:1).
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Прамень | 2018 | Найвышэйшая ліга | 8 | –12 |
| Тарпэда-БелАЗ | 4 | –3 | ||
Крыніцы
рэдагаваць- ^ а б в https://team.abff.by/players/381
- ^ а б в http://dinamo-minsk.by/be/komanda/igrok/~show/plotnikov
- ^ а б https://www.fcshakhter.by/player.asp?id=Maksim-Plotnikov-372&season=2022MEN
- ^ а б https://www.pressball.by/footballstat/maksim_plotnikov/
- ^ Трансферныя навіны.(недаступная спасылка)
- ^ Максiм Плотнiкаў адпраўляецца ў арэнду.. Афіцыйны сайт «Дынама» (2018-01-30). Архіўная копія ад 2018-05-17 г.
- ^ «Торпедо-БелАЗ» арендовало у минского «Динамо» Плотникова (рас.)
- ^ Карпович, Салугин, Олехнович и Плотников покинули «Торпедо-БелАЗ» (рас.)
- ^ Максим Плотников продлил контракт с минским "Динамо" (рас.) Праверана 2023-02-02 г.
- ^ Риос, Плотников, Динга и еще три игрока покинули минское "Динамо" (рас.) Праверана 2023-02-02 г.
- ^ Максим Плотников стал игроком "Шахтера" (рас.) Праверана 2023-02-02 г.
- ^ Максим Плотников расторг контракт с "Шахтером" из-за долгов по зарплате (рас.) Праверана 2023-01-31 г.
- ^ Плотников и Бугулов заключили контракты с "Каспием". К этому близок и Подстрелов (рас.) Праверана 2023-02-02 г.
- ^ Максим Плотников после трехчасовой операции: "Моя следующая цель — как можно скорее вернуться на поле и порадовать вас своей игрой" (рас.)
- ^ Максим Плотников подписал контракт с дзержинским "Арсеналом" (рас.)
- ^ Плотников покинул "Арсенал" (рас.)
- ^ Максим Плотников вернулся в "Торпедо-БелАЗ" (рас.)
Вонкавыя спасылкі
рэдагаваць- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball