Майкл Сьміт
Майкл Сьміт (па-ангельску: Michael Smith; 26 красавіка 1932, Блэкпул, Вялікабрытанія — 4 кастрычніка 2000, Ванкувэр, Канада) — канадзкі біяхімік ангельскага паходжаньня, ляўрэат Нобэлеўскай прэміі па хіміі (1993), якую ён падзяліў з Кэры Малісам. Нарадзіўся ў беднай сям'і садоўніка Роўланда Сьміта (анг. Rowland Smith). Наведваў прыватную школу Арнольд (анг. Arnold School). У юнацтве быў бойскаўтам. З-за свайго кепскага веданьня лацінскай не здолеў паступіць ні ў Оксфард, ні ў Кэмбрыдж. Але ў 1950 годзе паступіў ва ўнівэрсытэт Манчэстэра, дзе вывучаў хімію. У 1953 годзе атрымаў стыпэндыю, якая дазволіла абараніць дысэртацыю. Улетку 1956 году даведаўся пра магчымасьць працы ў Ванкувэры ў маладога тады хіміка Гара Гобінда Хараны. У верасьні прыехаў у Канаду, дзе заняўся сынтэзам біялягічна важных арганафасфатаў. У 1960 уся група пераехала працаваць ва Ўнівэрсытэт штату Вісконсін[5]. Але напачатку 1961 году прыняў рашэньне вярнуцца ў Канаду. Працаваў ва Ўнівэрсытэце Брытанскай Калюмбіі ў Ванкувэры, Канада. Атрымаў Нобэлеўскую прэмію ў галіне хіміі за ягоны фундамэнтальны ўнёсак у вывучэньне аднабаковага мутагенэзу, заснаванага на алігануклеатыдах і вывучэньне пратэінаў[6].
Майкл Сьміт | |
| па-ангельску: Michael Smith | |
 | |
| Дата нараджэньня | 26 красавіка 1932[1][2][3][…] |
|---|---|
| Месца нараджэньня | Блэкпул, Вялікабрытанія |
| Дата сьмерці | 4 кастрычніка 2000[1][3][4][…] (68 гадоў) |
| Месца сьмерці | Ванкувэр, Канада |
| Месца вучобы | |
| Занятак | хімік, біяхімік, прафэсар унівэрсытэту, генэтык |
| Навуковая сфэра | біяхімія |
| Месца працы | |
| Сябра ў | Лёнданскае каралеўскае таварыства, Еўрапейская арганізацыя малекулярнай біялогіі[d] і Нацыянальная акадэмія навук ЗША |
| Узнагароды | Нобэлеўская прэмія ў галіне хіміі (1993) |
Крыніцы
рэдагаваць- ^ а б Michael Smith // Encyclopædia Britannica (анг.)
- ^ Michael Smith (Biochemist) // L'Encyclopédie canadienne, The Canadian Encyclopedia (анг.)
- ^ а б Michael Smith // Энцыкляпэдыя Бракгаўза (ням.)
- ^ Michael Smith // Munk's Roll (анг.)
- ^ "Michael Smith - Biographical". Nobelprize.org. Nobel Media AB 2014. Праверана 9 Dec 2015 г.
- ^ "Michael Smith - Facts". Nobelprize.org. Nobel Media AB 2014. Праверана 9 Dec 2015 г.