Майкл Дуглас

Майкл Дуглас
	Майкл Дуглас
	Michael Kirk Douglas
	Майкл Дуглас, студзень 1997
Імя пры нараджэньні	Майкл Керк Дуглас
Дата нараджэньня	5 верасьня 1944
Месца нараджэньня	Нью-Брансўік, Нью-Джэрзі, ЗША
Грамадзянства	ЗША
Месца вучобы	Каліфарнійскі ўнівэрсытэт у Санта-Барбары[d]; Choate Rosemary Hall[d]; Eaglebrook School[d]; Allen-Stevenson School[d];
Занятак	актор і прадусар
Навуковая сфэра	кантроль за абарачэньнем зброі[d], акторства[d] і кінавытворчасьць[d]
Месца працы	Арганізацыя Аб’яднаных Нацыяў;
Гады дзейнасьці	1966 —
Бацька	Керк Дуглас
Маці	Даяна Дуглас[d]
Дзеці	Кэмэран Дуглас, Carys Zeta Douglas[d] і Dylan Douglas[d]
Узнагароды	прэмія «Даностыя»[d] (1997) тэатральная сусьветная прэмія[d] (1971) Satellite Award for Best Actor in a Musical or Comedy[d] (2001) прэмія Гільдыі кінаактораў ЗША за выдатны акторскі склад у гульнявым кіно[d] (2001) Заля славы Нью-Джэрзі[d] прэмія АКІ за жыцьцёвыя дасягненьні[d] (2009) прайм-таймавая прэмія «Эмі» за найлепшую мужчынскую ролю ў мінісэрыяле ці фільме[d] (2013) зорка на галівудзкай «Алеі славы»[d]
IMDb	ID nm0000140
	Майкл Дуглас у Вікісховішчы

Майкл Керк Ду́глас (па-ангельску: Michael Kirk Douglas; нарадзіўся 5 верасьня 1944, Нью-Брансўік, Нью-Джэрзі, ЗША) — амэрыканскі кінаактор і прадусар беларускага паходжаньня^[2].

Раньняе жыцьцё

Сын актора Керка Дугласа й бэрмудзкае акторкі Даяны Дыл, дачкі палкоўніка Томаса Мэлвіла Дыла (генэральны пракурор Бэрмудзкіх абтокаў і афіцэр Бэрмудзкае Народнае Артылерыі) і Рут Рапальі Нэйльсан. Скончыў прэстыжную Іґлбрукскую Школу ў Дырфілдзе, Масачусэтс, і Чоэт Розмэры Гол у Ўолінґфордзе, Канэктыкут. У 1968 скончыў Каліфарнійскі Ўнівэрсытэт у Санта-Барбары.

Кар’ера

Хуткаму кар’ернаму росту паспрыяла слава бацькі. Першым ягоным посьпехам стаў сэрыял «Вуліцы Сан-Фрацыска», што ішоў у 1972—1976. У 1975 ён як прадусар атрымаў «Оскар» за фільм «Палёт па-над гняздом зязюлі». Аднак неўзабаве пачаўся спад кар’еры, што скончыўся толькі ў 1984, калі Дуглас зьняўся ў фільме «Раман з камнем».

Сусьветна вядомым ён стаў дзякуючы фільму «Ракавая жарсьць», што выйшаў на экраны ў 1987. У 1988 ён атрымаў чарговага «Оскара», на гэты раз за ролю Ґордана Ґека ў фільме «Ўол-Стрыт». Аднак найбольшую славу яму прынёс фільм «Асноўны інстыкт», дзе ён зьняўся разам з Шэран Стоўн. За гэтае кіно Дуглас у 1998 атрымаў Крыштальны Глёбус на Міжнародным Кінафэсьце ў Карлавых Варах.

Нягледзячы на правал фільму «Усялякае ў сям’і» (2003), пасьля якога Дуглас тры гады не зьяўляўся на экране, ён застаецца адным з найбольш папулярных актораў ЗША.

Асабістае жыцьцё

20 сакавіка 1977 Майкл Дуглас ажаніўся з Дайэндрай Люкер. 13 сьнежня 1978 году ў іх нарадзіўся сын Кэмэран. У 2000 Майкл і Дайэндра разьвяліся, і 18 лістапада 2000 Дуглас ажаніўся з валійскай акторкай Кэтрын Зэтай Джонс, ад якой мае двух дзяцей: сына Дыляна Майкла (нарадзіўся 8 жніўня 2000) і дачку Кэрыс Зэту (нарадзілася 20 красавіка 2003).

Майкл Дуглас — прыхільнік ядзернага разбраеньня. Ён уваходзіць у кіраўніцтва Фонду Рала, які выступае супроць біялягічнае, хімічнае й ядзернае зброі. У 1998 стаў Паслом Міру ААН. Дуглас зьяўляецца заўзятым прыхільнікам і спонсарам Дэмакратычнае Партыі.

Фільмаграфія

Год	Фільм	Роля	Заўвагі
1966	Адкінь гіганцкі цень	кіроўца джыпу
1969	Дзе Джэк?
1969	Вітаю, герой!	Карл Дыксан
1970	Эдам а шостай раніцы	Эдама Ґэйнса
1971	Калі тэлефануе Майкл
1971	Бэлька	Джэры
1972	Напалеон і Саманта	Дэні
1972—1976	Вуліцы Сан-Францыска (тэлесэрыял)	інспэктар Стыў Келер
1975	Палёт над гняздом зязюлі		прадусар, «Оскар» за найлепшы фільм
1978	Кома	доктар Марк Бэлоўз
1979	Кітайскі сындром	Рычард Адамс	(таксама й прадусар)
1979	Бег	Майкла Андропаліса
1980	Цяпер мая чарга	Бэн Льюін
1983	Зорная палата	вярхоўны судзьдзя Стывэн Гардын
1984	Раман з камнем	Джэк Колтан	(таксама й прадусар)
1985	Жамчужына Нілу	Джэк Колтан	(таксама й прадусар)
1985	Кардэбалет (па-ангельску: A Chorus Line)	Зак
1987	Ракавая жарсьць	Дэна Ґалаґер
1987	Ўол-стрыт	Ґордан Ґека	«Оскар» за найлепшую галоўную мужчынскую ролю
1989	Чорны дождж	Нік Конклін
1989	Вайна Роўзаў	Олівэр Роўз
1992	Олівэр Стоўн (па-ангельску: Oliver Stone: Inside Out)	у ролі самога сябе	(дакумэнтальны)
	Сьвятло ў цемры	Эд Лілэнд
	Асноўны інстынкт	Нік Карэн
1993	Зь мяне хопіць (па-ангельску: Falling Down)	Ўільям Фостэр
1994	Выкрыцьцё	Том Сэндэрс
1995	Амэрыканскі прэзыдэнт	прэзыдэнт Эндру Шэфэрд
1996	Прывід і цемра	Чарльз Рэмінґтан (таксама й выканаўчы прадусар)
1997	Гульня	Нікаляс ван Ортан
1998	Ідэальнае забойства	Стывэн Тэйлар
1999	Ведай Бруса (па-ангельску: Get Bruce)	у ролі самога сябе	(дакумэнтальны)
1999	Аднойчы ў верасьні	у ролі апавядальніка	(дакумэнтальны)
2000	Вундэркінды	прафэсар Ґрэйды Трып
2000	Трафік	Робэрт Ўэйкфільд
2001	Адна ноч у МакКула	сп. Бурмайстр	(таксама й прадусар)
	У пошуках міру	у ролі апавядальніка	(дакумэнтальны)
	Не кажы ні слова	Нэтан Конрад
2003	Прамы загад	у ролі апавядальніка	(дакумэнтальны)
	У сям’і ўсё можа здарыцца	Алекс Ґромбэрґ
	Сваякі	Стыў Тобіяс
2004	Скажы ім, хто ты	у ролі апавядальніка	(дакумэнтальны)
2004	Цудоўная краіна	у ролі апавядальніка	(дакумэнтальны — на аснове матэрыялу зь фільма «Ўол-Стрыт»)
2006	Вартаўнік	Піт Ґарысан	(таксама й прадусар)
	Я, ты й Дзюпры	сп. Томпсан
	Паездка з гары Морґан	Лайман Фэльт
2007	Кароль Каліфорніі	Чарлі (таксама супрадусар)
2007	Мэханік	Кевін Бішап
2009	Прывіды былых сябровак	дзядзька Ўэйн
	Па той бок разумнага сумневу	Mark Hunter
	Адзінокі мужчына	Бэн
2010	Ўол-стрыт 2: грошы ніколі ня спяць	Ґордан Ґека
2012	Haywire	Alex Coblenz
2013	Behind the Candelabra	Wladziu Valentino Liberace	тф.
2013	Last Vegas	Billy
2014	Rollover		рыхтуецца
	We Have Always Lived in the Castle		рыхтуецца
	The Reach	Madec	рыхтуецца
	And So It Goes		рыхтуецца
?	Racing the Monsoon (па-ангельску: Асядлаўшы мусон)		анансаваны ў 2006 годзе

Крыніцы

^ ^а ^б Нацыянальная служба Чэскай рэспублікі
^ Майкл Дуглас: «Беларусь - краіна маіх продкаў». Хартыя’97. Праверана 17 лютага 2011 г.

Вонкавыя спасылкі

Майкл Дуглас (анг.) на сайце IMDb

[_8416d1f77befda91-1] а ^б Нацыянальная служба Чэскай рэспублікі

[2] Майкл Дуглас: «Беларусь - краіна маіх продкаў». Хартыя’97. Праверана 17 лютага 2011 г.

[2]

[1]