Магілёўскі селянін
«Магілёўскі селянін» — газэта Магілёўскага акруговага камітэту КП(б)Б, акруговага выканаўчага камітэту й акруговага прафсаюзнага савету Магілёўскай акругі БССР. Друкавалася 3 разы на тыдзень зь 10 кастрычніка 1924 (№ 1) да 1 лістапада 1929 (№ 130) у Магілёве. Да 1926 году на беларускай і расейскай мовах і з 1927 году на беларускай мове. З 3 лістапада 1929 году да 2 ліпеня 1941 году пад загалоўкам — «Камунар Магілёўшчыны»; з 8 кастрычніка 1943 году пад загалоўкам — «За Радзіму»; з 11 жніўня 1956 году пад загалоўкам — «Магілёўская праўда». Нумары: 1924, № 1 — 12; 1925, № 1—67; 1926, № 1—74; 1927, № 1 — 125; 1928, № 1 — 103; 1929, № 1—130.
| Магілёўскі селянін | |
 | |
| Тып | 3 разы на тыдзень |
|---|---|
| Заснаваная | 10 кастрычніка 1924 |
| Мова | беларуская, расейская |
| Штаб-кватэра | Магілёў |
Асьвятляла грамадзкае, палітычнае, эканамічнае й культурнае жыцьцё акругі й рэспублікі. Зьмяшчала матэрыялы пра культуру, літаратуру й мастацтва. У газэце друкаваліся: Алена Нячай пад псэўданімам Алена Вольская, Рыгор Пархоменка пад псэўданімам Рыгор Нядоля, Леанід Юркевіч пад псэўданімам Юрка Лявонны[1].
Дадатак да газэты «Магілёўскі селянін» — «Тэрармеец» з 12 верасьня 1929 году (Бюлетэнь палітычнага аддзелу 33-й стралковай дывізіі) 7 нумароў; з 22 лістапада 1929 году да 7 траўня 1930 году дадатак да газэты «Камунар Магілёўшчыны» 10 нумароў. На беларускай мове. Адказны рэдактар А. Самахвалаў, тэхнічны рэдактар Гольдшварц, карэктар Ю. Лявонны[2].
Крыніцы
рэдагаваць- ^ Янка Саламевіч. Слоўнік беларускіх псеўданімаў (XVI—XX стст.). — Менск: Мастацкая літаратура, 1983. — С. 38, 95, 132, 190, 191, 205. — 207 с. — 4000 ас.
- ^ Загад 33 стралковай тэрытарыяльнай дывізіі. // Тэрармеец : газэта. — 1929. — № 4. — С. 4.
Літаратура
рэдагаваць- Газеты Беларусі, 1776—1975: Рэтрасп. бібліягр. паказ. / Склад. Л. М. Няхайчык і інш.; Навук. рэд. В. У. Скалабан. — Менск: Нацыянальная кніжная палата Беларусі, 2003. — С. 99 (№ 794); 148 (№ 1234)167 (№ 1378);. — 322 с. — 700 ас. — ISBN 985-6020-28-X
- Тарпачоў А. І. «Магілёўская праўда». // Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1999. — Т. 9: Кулібін — Малаіта. — 560 с. — ISBN 985-11-0155-9 — С. 459.
- Александр Тарпачоў. «Магілёўская праўда». // Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1999. — Т. 5: М — Пуд. — 592 с. — ISBN 985-11-0141-9 — С. 21, 22.
Вонкавыя спасылкі
рэдагаваць- «Тэрармеец» (1929—1930) // Беларуская Палічка