Кігалі
Кіга́лі (на руандзе: Kigali) — сталіца і самы вялікі горад Руанды. Насельніцтва налічвае 850 тыс. чалавек. Знаходзіцца ў цэнтральнай частцы краіны. Адначасова зьяўляецца сталіцай прэфэктуры Кігалі. Ёсьць культурным, адміністрацыйным, эканамічным і транспартным цэнтрам Руанды з часоў калі горад стаў цэнтрам новае краіны пасьля здабыцьця незалежнасьці 1962 году ад Бэльгіі. Каля гораду знаходзяцца радовішчы волава і прадпрыемствы па яго пераапрацоўцы. Ёсьць міжнародны аэрапорт.
| Кігалі | |
| |
| Першыя згадкі: | 1907 |
| Краіна: | Руанда |
| Кіраўнік: | Пюданс Рубінгіса[d][1] |
| Плошча: | 112 км² |
| Вышыня: | 1567 м н. у. м. |
| Насельніцтва (2015) | |
| колькасьць: | 745 261 чал. |
| шчыльнасьць: | 6654,12 чал./км² |
| Часавы пас: | UTC+2 |
| Геаграфічныя каардынаты: | 1°57′13″ пд. ш. 30°3′38″ у. д. / 1.95361° пд. ш. 30.06056° у. д.Каардынаты: 1°57′13″ пд. ш. 30°3′38″ у. д. / 1.95361° пд. ш. 30.06056° у. д. |
Кігалі на мапе Руанды   Кігалі | |
 Галерэя здымкаў у Вікісховішчы
| |
| http://www.kigalicity.gov.rw | |
Гісторыя
рэдагавацьГорад быў заснаваны ў 1907 годзе ў часы нямецкага кіраваньня немцам Рыхардам Кантам[2]. У месцы разьвіваўся гандаль ў нямецкую эпоху, а Кант адкрыў некалькі дзяржаўных школаў для вучняў з племя тутсі. Бэльгія захапіла Руанду і Бурундзі падчас Першай сусьветнай вайны, атрымаўшы па вайне мандат на кіраваньне Руандай—Урундзі. Кігалі застаўся месцам знаходжаньня каляніяльнай адміністрацыі ў Руандзе, але сталіца Руанды-Ўрундзі знаходзілася ў Усумбуры (цяпер Бужумбура) у Бурундзі, а Кігалі заставаўся невялікім горадам з насельніцтвам усяго ў 6 тысяч чалавек да здабыцьця незалежнасьці. З 1962 году Кігалі — сталіца незалежнай Руанды. Кігалі павольна павялічваўся на працягу наступных дзесяцігодзьдзяў. Першапачаткова ён не пацярпеў непасрэдна ў грамадзянскую вайну паміж урадавымі сіламі і Руандыйскім патрыятычным фронтам, якая пачалася ў 1990 годзе. 7 траўня 1994 году ў горадзе былі адбыліся масавыя забойствы людзей, якія належалі да народу тутсі, якія ўчынілі ўзброеныя банды хуту і ўрадавыя войскі. Кігалі ў часы пасьля генацыду зьведаў хуткі рост насельніцтва, а большая частка гораду была перабудаваная.
Клімат
рэдагавацьКлімат гораду — экватарыяльны мусонны, з сухім сэзонам з чэрвеня да жніўня і тэмпэратурай 20—21 °C. Колькасьць ападкаў — 1000 мм у год.
Крыніцы
рэдагаваць- ^ а б https://www.chronicles.rw/2019/08/17/ex-ur-official-tainted-with-rwf-1billion-tender-fraud-is-new-mayor-of-kigali-city/
- ^ Richardson, Heather (13.03.2019). «Kigali city guide: where to eat, drink, shop and stay in Rwanda’s charming capital». The Independent.