Крысьціна Дробыш

Крысьціна Дробыш
	Крысьціна Дробыш
Дата нараджэньня	22 верасьня 1990 (34 гады)
Месца нараджэньня	Менск
Грамадзянства	Беларусь
Месца вучобы	тэатральны факультэт Беларускай дзяржаўнай акадэміі мастацтваў[d];
Занятак	акторка
Месца працы	Нацыянальны акадэмічны тэатар імя Янкі Купалы; Кніжны воз[d];
Гады дзейнасьці	2013—дагэтуль
IMDb	ID nm9951288

Крысьці́на Дро́быш, у дзявоцтве Каза́к (нар. 22 верасьня 1990, Менск) — беларуская акторка тэатру і кіно. Адна з заснавальніц праекту «Кніжны воз»^[1]. Займаецца стварэньнем аўдыякніг на беларускай мове.

Вікіпэдыя мае артыкулы пра іншых асобаў з прозьвішчам Дробыш (неадназначнасьць).

Жыцьцяпіс

«Нацыянальнае чытаньне» ў Менску (2017 г.). Чытаюць актрыса Купалаўскага тэатра Крысьціна Дробыш і Матэвуш Адамскі, дырэктар Польскага Інстытуту ў Менску

У 2013 годзе скончыла тэатральны факультэт Беларускай дзяржаўнай акадэміі мастацтваў па спэцыяльнасьці «Акторскае мастацтва драматычнага тэатра і кіно» (курс народнага артыста Беларусі М. М. Кірычэнкі). З 2013 году працавала ў Нацыянальным акадэмічным тэатры імя Янкі Купалы.

У жніўні 2020 году разам зь іншымі супрацоўнікамі Купалаўскага тэатру звольнілася, пратэстуючы супраць гвалту і ў знак салідарнасьці з Паўлам Латушкам.

Ролі ў тэатры

Дзяўчына («Паўлінка» Я.Купала);
Фрэйліна («Чорная панна Нясьвіжу» А.Дудараў);
Дзяўчына («Ноч на Каляды» М.Гогаль);
Хадоська («Людзі на балоце» І. Мележа);
Зося («Пан Тадэвуш» А. Міцкевіча);
Пакаёўка («Чайка» А.Чэхаў);
Сафія («Шабаны» А. Бахарэвіча);
Аля («Дзьве душы» М. Гарэцкага);
Тацьцяна («Каханьне як мілітарызм» П. Гладзіліна);
Каралева ў маладосьці («Юбілей ювэліра» Н. МакОліф);
Даша («Зямля Эльзы» Я. Пуліновіч);
Шырлі Ўэйд («Вешальнікі» М. МакДонаха);
Агапка («Шляхціц Завальня, або Беларусь у фантастычных апавяданьнях» паводле Я. Баршчэўскага);
Кардэлія, дачка караля Ліра («Кароль Лір» У.Шэксьпір);
Крысьціна («Першы»);
Іда, юнацтва («En souvenir de Шагал»).

Асабістае жыцьцё

Была замужам за акторам Андрэем Дробышам. Мае сына^[2].

Крыніцы

Вонкавыя спасылкі

Крысьціна Дробыш на сайце Купалаўскага тэатру
Крысьціна Дробыш на Кино-театре
«Зараз у Купалаўскі прыходзяць людзі, якія топчуць яго нагамі» — вялікая гутарка з актрысай Крысцінай Дробыш

[1] Крысціна Дробыш: «Тое, што мяне не забіла, пашкадуе, што яно мяне не забіла»

[2] Татуировки в честь сына и правильное питание. Как семья белорусских актеров воспитывает ребенка, TUT.BY, 21-05-2019

[1]

[2]