Касьцёл Сьвятых Апосталаў Пятра і Паўла (Камянец)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Сьвятых Апосталаў Пятра і Паўла (неадназначнасьць).

Помнік сакральнай архітэктуры
Касьцёл Сьвятых Апосталаў Пятра і Паўла
Касьцёл Сьвятых Апосталаў Пятра і Паўла
Краіна	Беларусь
Места	Камянец
Каардынаты	52°24′04.10″ пн. ш. 23°49′10.40″ у. д. / 52.401139° пн. ш. 23.8195556° у. д. / 52.401139; 23.8195556Каардынаты: 52°24′04.10″ пн. ш. 23°49′10.40″ у. д. / 52.401139° пн. ш. 23.8195556° у. д. / 52.401139; 23.8195556
Канфэсія	Каталіцкая царква
Эпархія	Пінская дыяцэзія
Касьцёл Сьвятых Апосталаў Пятра і Паўла на мапе Беларусі Касьцёл Сьвятых Апосталаў Пятра і Паўла
Касьцёл Сьвятых Апосталаў Пятра і Паўла на Вікісховішчы

Касьцёл Сьвятых Апосталаў Пятра і Паўла — помнік архітэктуры першай паловы XX стагодзьдзя ў Камянцы. Знаходзіцца ў цэнтры места, на гістарычнай Касьцельнай вуліцы^[a]. Дзее. Твор архітэктуры гістарызму.

Гісторыя

Праект касьцёла, 1927 г.

Вялікае Княства Літоўскае

Першы драўляны касьцёл у Камянцы збудавалі ў 1501 годзе з фундацыі вялікага князя Аляксандра.

У 1723 годзе касьцёл перабудавалі.

Пад уладай Расейскай імпэрыі

Па трэцім падзеле Рэчы Паспалітай (1795 год), калі Камянец апынуўся ў складзе Расейскай імпэрыі, касьцёл працягваў дзеяць.

Найноўшы час

У 1924 годзе з прычыны маланкі касьцёл цалкам згарэў. У 1935 годзе пачалося будаваньне новага мураванага касьцёла. У 1939 годзе савецкія ўлады адабралі будынак касьцёла і зрабілі ў ім чайную.

У 1992 годзе будынак касьцёла вярнулі каталікам. У 2001 годзе скончылася яго аднаўленьне.

Архітэктура

Помнік архітэктуры гістарызму. Гэта крыжовая ў пляне 1-вежавая базыліка. Да прастакутнага ў пляне аб’ёму пад 2-схільным дахам з бакоў далучаюцца крылы трансэпту, з франтальнага боку — 4-гранная 4-ярусная шатровая вежа-званіца. Бакавыя фасады рытмічна падзяляюцца аркавымі аконнымі праёмамі і контрфорсамі-пілёнамі ў прасьценках^[1].

Галерэя

Гістарычныя здымкі
Стары касьцёл, 1921 г.
Стары касьцёл, 1921 г.
Капліца, 1930 г.
Будоўля, 1930-я гг.

Заўвагі

^ Цяперашні афіцыйны адрас — вуліца Савецкая, 5.

Крыніцы

^ Кулагін А. Каталіцкія храмы Беларусі. — Менск, 2008. С. 170.

Літаратура

Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

Касьцёл Сьвятых Апосталаў Пятра і Паўла ў Камянцы, Radzima.org

[1] Цяперашні афіцыйны адрас — вуліца Савецкая, 5.

[2] Кулагін А. Каталіцкія храмы Беларусі. — Менск, 2008. С. 170.

[a]

[1]