Касьцёл Сьвятога Язэпа (Ляхавічы)

Помнік сакральнай архітэктуры
Касьцёл Сьвятога Язэпа
Касьцёл Сьвятога Язэпа
Краіна	Беларусь
Места	Ляхавічы
Каардынаты	53°02′59.40″ пн. ш. 26°16′05.10″ у. д.
Канфэсія	Каталіцкая царква
Эпархія	Пінская дыяцэзія
Архітэктурны стыль	нэаготыка
Касьцёл Сьвятога Язэпа на мапе Беларусі Касьцёл Сьвятога Язэпа
Касьцёл Сьвятога Язэпа на Вікісховішчы

Касьцёл Сьвятога Язэпа — помнік архітэктуры пачатку XX стагодзьдзя ў Ляхавічах. Знаходзіцца ў паўночнай частцы места. Дзее. Твор архітэктуры нэаготыкі.

Гісторыя

Новы мураваны касьцёл у Ляхавічах збудавалі ў 1907 годзе на сродкі Рэйтанаў. У 1910 годзе адбылася яго кансэкрацыя.

Па Другой сусьветнай вайне савецкія ўлады зачынілі касьцёл, будынак якога перарабілі пад паліклініку. У 2010-я гады будынак касьцёла вярнулі каталікам, пачалося яго аднаўленьне.

Архітэктура

Помнік архітэктуры нэаготыкі. Гэта 3-нэфавая 1-вежавая базыліка з паўкруглай апсыдай. Гатычную вэртыкальную накіраванасьць архітэктурнай кампазыцыі надавалі высокая шатровая званіца (васьмярык на чацьверыку) на фасадзе і пэрспэктыўны ўваходны стральчаты партал з акном-ружай над ім. Вэртыкальны рытм стваралі ступеньчатыя контрфорсы зь вежачкамі-фіяламі і «крабамі» ў завяршэньні ступеньчатых контрфорсаў, высокія вузкія стральчатыя нішы і аконныя праёмы, аркатурныя пасы. Бакавыя працяглыя фасады рытмічна падзяляліся высокімі стральчатымі аконнымі праёмамі і ступеньчатымі контрфорсамі ў прасьценках.

Унутраная прастора разьмяжоўвалася на тры нэфы гранёнымі слупамі, перакрывалася стральчатымі скляпеньнямі. У інтэр’еры быў нэагатычны амбон.

Галерэя

Гістарычныя здымкі

• Старыя здымкі
• 
  1914 г.
• 
  1914 г.
• 
  1914 г.

Сучасныя здымкі

• Сучасны стан
• 
  Агульны выгляд
• 
  Бакавы фасад
• 
  З боку апсыды

Літаратура

• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

• Касьцёл Сьвятога Язэпа ў Ляхавічах, Radzima.org