Касьцёл Перамяненьня Пана (Вялікая Бераставіца)

Помнік сакральнай архітэктуры
Касьцёл Перамяненьня Пана
Касьцёл Перамяненьня Пана
Краіна	Беларусь
Мястэчка	Вялікая Бераставіца
Каардынаты	53°11′45.6″ пн. ш. 24°00′50.7″ у. д. / 53.196° пн. ш. 24.014083° у. д. / 53.196; 24.014083Каардынаты: 53°11′45.6″ пн. ш. 24°00′50.7″ у. д. / 53.196° пн. ш. 24.014083° у. д. / 53.196; 24.014083
Канфэсія	каталіцтва
Эпархія	Гарадзенская дыяцэзія
Архітэктурны стыль	нэаготыка
Аўтар праекту	Іван Плотнікаў^[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Касьцёл Перамяненьня Пана на мапе Беларусі Касьцёл Перамяненьня Пана
Касьцёл Перамяненьня Пана на Вікісховішчы

Касьцёл Перамяненьня Пана — помнік архітэктуры пачатку XX ст. у Вялікай Бераставіцы. Знаходзіцца ў цэнтры мястэчка, на гістарычнай Гарадзенскай вуліцы^[a]. Дзейнічае. Твор архітэктуры нэаготыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя рэдагаваць

Будаваньне новага мураванага касьцёлу у Вялікай Бераставіцы пачалося 23 чэрвеня 1909 году і скончылася ў 1912 годзе. Фундатарам быў уладальнік маёнтку граф І. Касакоўскі.

17 чэрвеня 1965 году савецкія ўлады зачынілі касьцёл. У 1989 годзе будынак касьцёла вярнулі каталікам.

Архітэктура рэдагаваць

Помнік архітэктуры нэаготыкі. Гэта прастакутная 3-нэфавая базыліка з 5-граннай апсыдай. Галоўны фасад атрымаў дынамічную, вэртыкальна скіраваную кампазыцыю, завершаную 3-яруснай шатровай вежай-званіцай, якая на 2-м ярусе дэкаруецца накладным 2-ярусным гатычным шчытом. Вэртыкальнасьць узмацняюць прыступкавыя контрфорсы і стральчатыя праёмы. Уваход вылучаецца магутным аркавым парталам, запоўненым дзьвярамі з мастацкай акоўкай. Калярыстычны эфэкт дасягаецца спалучэньнем фактурнай «аксамітавай» муроўкі сьценаў і атынкаваных элемэнтаў архітэктурнага дэкору: лапатак, карнізаў, ліштваў, нішаў.

Унутраная прастора перакрываецца стральчатымі скляпеньнямі з гуртамі. Інтэр’ер аздабляе драўляны амбон ў вытанчаных формах готыкі. Над нартэксам кансольны балькон арганных хораў, адкрытых у нэф стральчатай аркай^[1].

Галерэя рэдагаваць

Гістарычныя здымкі рэдагаваць

Старыя здымкі
1900 г.
1912 г.
да 1939 г.

Сучасныя здымкі рэдагаваць

Сучасны стан
Агульны выгляд
З боку апсыды
Бакавы фасад

Заўвагі рэдагаваць

^ Цяперашні афіцыйны адрас — вуліца Леніна, 29

Крыніцы рэдагаваць

^ Кулагін А. Каталіцкія храмы Беларусі. — Менск, 2008. С. 75.

Літаратура рэдагаваць

Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі рэдагаваць

Касьцёл Перамяненьня Пана ў Вялікай Бераставіцы, Radzima.org

[1] Цяперашні афіцыйны адрас — вуліца Леніна, 29

[2] Кулагін А. Каталіцкія храмы Беларусі. — Менск, 2008. С. 75.

[a]

[1]