Касьцёл Нараджэньня Найсьвяцейшай Панны Марыі (Вязынь)

Помнік сакральнай архітэктуры
Касьцёл Нараджэньня Найсьвяцейшай Панны Марыі
Касьцёл Нараджэньня Найсьвяцейшай Панны Марыі
Краіна	Беларусь
Вёска	Вязынь
Каардынаты	54°25′15.79″ пн. ш. 27°9′45.14″ у. д. / 54.4210528° пн. ш. 27.1625389° у. д. / 54.4210528; 27.1625389Каардынаты: 54°25′15.79″ пн. ш. 27°9′45.14″ у. д. / 54.4210528° пн. ш. 27.1625389° у. д. / 54.4210528; 27.1625389
Канфэсія	каталіцтва
Эпархія	Менска-Магілёўская архідыяцэзія
Тып будынка	касьцёл
Архітэктурны стыль	нэагатычны з элемэнтамі мадэрну
Будаваньне	1908—1909 гады
Асноўныя даты: 1543 — першае ўзгадваньне парафіі 1909 — кансэкрацыя касьцёла 1993 — вяртаньне касьцёла вернікам 1993 — аднаўленьне парафіі 2005 — рэстаўрацыя і рэнавацыя касьцёла
Стан	дзейны
Касьцёл Нараджэньня Найсьвяцейшай Панны Марыі на мапе Беларусі Касьцёл Нараджэньня Найсьвяцейшай Панны Марыі

Касьцёл (Капліца) Нараджэньня Найсьвяцейшай Панны Марыі — помнік архітэктуры пачатку XX стагодзьдзя ў Вязыні. Знаходзіцца ў цэнтры колішняга мястэчка^[a]. Дзее. Твор архітэктуры нэагатычнага стылю з элемэнтамі мадэрну.

Гісторыя

Капліца, 1920-я гг.

Вялікае Княства Літоўскае

Парафія Нараджэньня Найсьвяцейшай Панны Марыі ў Вязыні ўпершыню ўпамінаецца ў 1543 годзе^[1]

Пад уладай Расейскай імпэрыі

Па другім падзеле Рэчы Паспалітай (1793 год), калі Вязынь апынулася ў складзе Расейскай імпэрыі, у мястэчку працягвала дзеяць капліца.

У 1908—1909 гадох у Вязыні з цэглы і вапняку пасярод сядзібна-паркавага комплексу Гяцэвічаў збудавалі новую капліцу^[2].

Найноўшы час

У міжваенны час капліца пачала дзеяць як касьцёл. Па Другой сусьветнай вайне савецкія ўлады зачынілі касьцёл, будынак якога перарабілі пад вясковы клюб^[3].

У 1993 годзе будынак касьцёла вярнулі каталікам, аднавілася парафія. У 2005 годзе праводзілася рэстаўрацыя і рэнавацыя касьцёла.

Архітэктура

Помнік архітэктуры нэаготыкі з элемэнтамі мадэрну^[3]. Гэта ўзьняты на высокі цокаль прастакутны аб’ём з 5-граннай апсыдай, над якой сьпічасты 2-схільны чаралічны дах пераходзіць у вальмавы^[3]. Востраканцовы шчыпец фасаду акаймоўваецца зубчастым фрызам, завяршаецца шатровай сыгнатуркай-званічкай^[3]. Вуглы адзначаліся фіяламі (не захаваліся)^[3]. Уваход вылучаецца 2-слуповым ганкам над шатровым чарапічным пакрыцьцём; раскрываецца шырокім стральчатым праёмам, выкладзеным валмавымі квадрамі^[3]. Стральчатым праёмам адзначаецца і ўваход у капліцу^[3]. Ад сярэднявеччай готыкі выкарыстоўваюцца прыступкавыя контрфорсы, аркатурныя фрызы, стральчатыя аконныя праёмы, выкладзеныя з часаных вапняковых квадраў^[3].

Усярэдзіне заля і апсыда перакрываюцца зоркавымі скляпеньнямі^[3].

Галерэя

Сучасныя здымкі
Агульны выгляд
Уваход у касьцёл
Задні двор касьцёла

Заўвагі

^ Цяперашні афіцыйна адрас — вуліца 17 верасьня, 9

Крыніцы

^ Вязынь — парафія Нараджэньня Найсьвяцейшай Панны Марыі, Catholic.by
^ Федорук А. Т. Старинные усадьбы Минского края. — Мн., 2000. С. 208—210.
^ ^а ^б ^в ^г ^д ^е ^ё ^ж ^з Кулагін А. Каталіцкія храмы Беларусі. — Менск, 2008.

Літаратура

Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

[1] Цяперашні афіцыйна адрас — вуліца 17 верасьня, 9

[2] Вязынь — парафія Нараджэньня Найсьвяцейшай Панны Марыі, Catholic.by

[3] Федорук А. Т. Старинные усадьбы Минского края. — Мн., 2000. С. 208—210.

[Кулагін-4] а ^б ^в ^г ^д ^е ^ё ^ж ^з Кулагін А. Каталіцкія храмы Беларусі. — Менск, 2008.

[a]

[1]

[2]

[3]