Касьцёл Найсьвяцейшай Панны Марыі (Параф’янава)

Помнік сакральнай архітэктуры
Касьцёл Найсьвяцейшай Панны Марыі
Касьцёл Найсьвяцейшай Панны Марыі
Краіна	Беларусь
Вёска	Параф’янава
Каардынаты	54°53′09″ пн. ш. 27°34′34″ у. д.
Канфэсія	каталіцтва
Эпархія	Віцебская дыяцэзія
Архітэктурны стыль	нэабарока[d]
Касьцёл Найсьвяцейшай Панны Марыі на мапе Беларусі Касьцёл Найсьвяцейшай Панны Марыі
Касьцёл Найсьвяцейшай Панны Марыі на Вікісховішчы

Касьцёл Найсьвяцейшай Панны Марыі — помнік архітэктуры пачатку XX стагодзьдзя ў Параф’янаве. Знаходзіцца ў цэнтры колішняга мястэчка пад адрасам вуліца Касьцельная, 1. Дзее. Твор архітэктуры нэабарока.

Гісторыя

Стары касьцёл, 1650 г.

Вялікае Княства Літоўскае

Першы драўляны касьцёл ў Параф’янаве ў 1630 годзе фундаваў Мельхіёр Гіляшкевіч, архідыякан віленскі.

Пад уладай Расейскай імпэрыі

Па другім падзеле Рэчы Паспалітай (1793 год), калі Параф’янава апынулася ў складзе Расейскай імпэрыі, касьцёл працягваў дзеяць.

У 1908 годзе на сродкі парафіян і намаганьнямі ксяндза Б. Корна пачалося будаваньне мураванага касьцёла, у асноўным скончанае да 1913 году.

Найноўшы час

У 1930 годзе віленскі арцыбіскуп Рамуальд Ялбжыкоўскі кансэкраваў касьцёл. У 1956 годзе савецкія ўлады зачынілі касьцёл, будынак якога прыстасавалі пад склад. У 1989 годзе касьцёл вярнулі каталікам.

Архітэктура

Помнік архітэктуры нэабарока. Гэта 3-нэфавая 2-вежавая базыліка з трансэптам. Выцягнуты прэзьбітэрыюм з паўкруглым завяршэньнем атачаецца абхадной галерэяй. Цэнтральны нэф і трансэпт накрываюцца ўзаемна пэрпэндыкулярнымі 2-схільнымі дахамі з трыкутнымі франтонамі на тарцах. 2-ярусны галоўны фасад вылучааецца чацьверыковымі вежамі з складанай кампазыцыяй завяршэньняў. Фасады аздабляе багатая ордэрная плястыка: прафіляваныя карнізы, пілястры, вялікія і разнастайныя сваёй формай праёмы.

Усярэдзіне 8 слупоў падзяляюць унутраную прастору на тры нэфы. Цэнтральны нэф перакрываецца цыліндрычным скляпеньнем з распалубкамі, бакавыя нэфы — крыжовымі. Слупы і сьцены падзяляюцца падвойнымі пілястрамі і аздабляюцца арнамэнтальным росьпісам і гіпсавымі барэльефамі на тэму «Крыжовы шлях Хрыста», выкананымі ў 1927 годзе. Алтар у стылі нэабарока мае выгляд накладнога калённа-пілястравага портыка, дэкараванага алебастравымі выявамі сьвятых.

Галерэя

Гістарычныя здымкі

• Старыя здымкі
• 
  каля 1900 г.
• 
  Э. Навіцкі, 1908 г.
• 
  1941 г.
• 
  20 чэрвеня 1944 г.

Сучасныя здымкі

• Сучасны стан
• 
  Бакавы фасад
• 
  З боку апсыды
• 
  Галоўны алтар
• 
  Бакавы алтар

Літаратура

• Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.
• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

• Касьцёл Найсьвяцейшай Панны Марыі ў Параф’янаве, Radzima.org