Капліца Заслаўскіх (Мір)

Помнік гісторыі
Капліца Заслаўскіх
Капліца Заслаўскіх
Краіна	Беларусь
Мястэчка	Мір
Каардынаты	53°27′05.19″ пн. ш. 26°28′10.66″ у. д.
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Капліца Заслаўскіх на мапе Беларусі Капліца Заслаўскіх
Капліца Заслаўскіх на Вікісховішчы

Капліца Заслаўскіх — помнік гісторыі пачатку XX ст. у Міры. Знаходзіцца ва ўсходняй частцы мястэчка каля замка, на рагу Нясьвіскай і Замкавай вуліцаў. Твор архітэктуры расейскай эклектыкі.

Гісторыя

Мураваную капліцу ў Міры збудавалі ў 1909 годзе на месцы драўлянай капліцы дзеля ўшанаваньня памяці Ўладзімера Заслаўскага, які памёр 28 сакавіка 1909 году ў веку 37 гадоў. Пра гэта сьведчыць табліцы пра ўваходзе з наступным надпісам:

	Часовня сія построена Францишкою Заславскою За упокой сына ея Владиміра Францевича Заславскаго 1909 г.

За тры гады да сьмерці Ўладзімера Заслаўскага моцна зьбілі п’яныя казакі Кубанскага войска княгіні Клеапатры Сьвятаполк-Мірскай.

Архітэктура

Прыклад эклектычнай царкоўнай архітэктуры Расейскай імпэрыі. Гэта цэнтрычны 4-гранны аб’ём пад шлемападобным купалам. Бакавыя грані праразаюцца прастакутнымі аконнымі праёмамі ў ліштвах з сандрыкамі, тыльная грань дэкаруецца рэльефным укосным (маскоўскім) 8-канцовым крыжам, вуглы — гранёнымі лапаткамі.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Капліца Заслаўскіх у Міры, Radzima.org