Кайдэн Гулі
Кайдэн Гулі (па-ангельску: Kaiden Guhle; нар. 18 студзеня 2002 году) — канадзкі хакеіст, абаронца клюбу «Манрэаль Канадыенз» з Нацыянальнай хакейнай лігі. У 2020 годзе быў абраны на драфце НХЛ клюбам «Манрэаль Канадыенз» пад агульным 16-м нумарам. Паходзіць з спартовай сям’і, то бок ягоны брат Брэндан Гулі таксама быў прафэсійным хакеістам.
| Кайдэн Гулі | ||
|---|---|---|
| ||
| Рост | 191 см[1] | |
| Пазыцыя | абаронца | |
| Грамадзянства | ||
| Дата нараджэньня | 18 студзеня 2002[1] (22 гады) | |
| Месца нараджэньня | ||
| Клюб | Манрэаль Канадыенз | |
| Выступаў за | ||
| Драфт НХЛ | 16, 2020 Манрэаль Канадыенз | |
| Гульнявая кар’ера | 2021 — цяпер | |
Кар’ера рэдагаваць
Пачаў кар’еру ў клюбу «Прынс Альбэрт Райдэрз» з Заходняй хакейнай лігі (ЗХЛ). 6 кастрычніка 2020 году быў абраны клюбам «Манрэаль Канадыенз» у першым раўндзе драфту НХЛ пад агульным 16-м нумарам. Пазьней 21 кастрычніка 2020 году склаў трохгадовы кантракт пачаткоўца з «Канадыенз», які прадугледжваў бонусы да 420 тысячаў даляраў ЗША за кожны сэзон[2]. Тым ня менш, гулец выправіўся ў юнацкую лігу, таксама гуляў за «Эдмантан Ойл Кінгс» у ЗХЛ, дзе ў сэзоне 2021—2022 гадоў быў прызнаны самым каштоўным гульцом плэй-оф.
У НХЛ дэбютаваў 12 кастрычніка 2022 году ў матчы супраць «Таронта Мэйпл Ліфс»[3]. Гулі згуляў у тым матчы 22 хвіліны 34 сэкунды, а клюб здабыў перамогу зь лікам 4:3. З улікам траўмаў ключавых абаронцаў каманды Гулі працягнуў гуляць у складзе дружыны. Гэтак ужо 17 кастрычніка абаронца зарабіў свой першы пункт, аддаўшы галявую перадачу ў матчы супраць «Пітсбург Пінгвінз»[4][5]. Сваю першую шайбу закінуў 27 кастрычніка ў браму «Бафала Сэйбрз»[6].
Крыніцы рэдагаваць
- ^ а б в г https://www.iihf.com/en/events/2024/wm/teams/roster/45147/canada — Міжнародная фэдэрацыя хакею на лёдзе.
- ^ «Three-year, entry-level contract for defenseman Kaiden Guhle». NHL.
- ^ «Guhle leads Canadiens’ young players in season-opening win over Maple Leafs». Sportsnet.
- ^ «Mature Guhle dominant in Canadiens’ win over Crosby, Penguins». Sportsnet.
- ^ «Kaiden Guhle’s poise with the Canadiens is rooted in his experience in Prince Albert». The Athletic.
- ^ «Canadiens’ unfazed young defence making key contributions to early-season wins». Sportsnet.