Зьвянігарад

	Зьвянігарад
	рас. Звенигород
Герб Зьвянігараду	Сьцяг Зьвянігараду
Дата заснаваньня:	1152
Краіна:	Расея
Суб’ект фэдэрацыі:	Маскоўская вобласьць
Плошча:	48,1 км²
Вышыня:	150 м н. у. м.
Насельніцтва (2013)
колькасьць:	17 300 чал.
шчыльнасьць:	359,67 чал./км²
Часавы пас:	UTC+3
Тэлефонны код:	+7 49869
Паштовы індэкс:	143180
Нумарны знак:	50, 90, 150, 190
Геаграфічныя каардынаты:	55°44′0″ пн. ш. 36°51′0″ у. д. / 55.73333° пн. ш. 36.85° у. д.Каардынаты: 55°44′0″ пн. ш. 36°51′0″ у. д. / 55.73333° пн. ш. 36.85° у. д.
	Зьвянігарад на мапе Расеі Зьвянігарад
	Галерэя здымкаў у Вікісховішчы
	http://www.zvenigorod.ru/

Зьвянігарад — горад у Маскоўскай вобласьці Расеі. Знаходзіцца на рацэ Маскве. Назва гораду паходзіць ад спалучэньня «Горад са званамі». Горад мае добрую аўтобусную і чыгуначную сувязь з Масквой.

Геаграфічныя зьвесткі

Горад Зьвянігарад месьціцца на Клінска-Дзьмітраўскай градзе Смаленска-Маскоўкага ўзвышша за 46 км на захад ад Масквы ды за 3 км ад чыгуначнай станцыі Зьвянігарад — канцавога пункту галінкі (16 км) ад станцыі Галіцына на лініі Москва — Смаленск.

Гісторыя

1152 — імаверная дата заснаваньня Зьвянігараду Юрыем Даўгарукім. Аднак першая згадка пра горад у летапісах датуецца 1336 ды 1382 гг.
XIV—XVI стагодзьдзе стагодзьдзі — важны вартаўнічы пункт на заходніх подступах да Масквы.
1339—1492 — цэнтар Зьвянігародзкага ўдзельнага княства.
1382 — зруйнаваны ханам Тахтамышам
1398—1399 — на Старажавой гары быў заснаваны Савіна-Старажэўскі манастыр, які з часам стаў загараднай рэзыдэнцыяй цара Аляксея Міхайлавіча.
1708 — Зьвянігарад быў прыпісаны да Маскоўскай губэрні
1784 — Зьвянігарад быў перабудаваны, атрымаўшы прастакутнае плянаваньне
XIX стагодзьдзе — заставаўся павятовым горадам са слабаразьвітым гандлем, у 1861 годзе ў горадзе налічвалася колькі рамесных установаў ды бровар.

Інфармацыя для турыстаў

У горадзе разьмешчаны помнік Антону Чэхаву. Гісторыка-архітэктурны і мастацкі музэй, музэй гжэлі. У горадзе разьмешчаныя чатыры праваслаўныя храмы і Савіна-Старажэўскі манастыр, які захаваўся амаль бязь зьмен ад XVII стагодзьдзя. У Зьвянігарадзе можна спыніцца ў гатэлях «Зьвянігарад» і «Тацяна Provence», а таксама ў гатэлі пры Савіна-Старажэўскім манастыры.

Расейская Швайцарыя

Горад часта называюць «Расейскай Швайцарыяй» — дзякуючы маляўнічай мясцовасьці, лекавым крыніцам. Тут часта праводзілі летні сэзон вядомыя пісьменьнікі ды мастакі, у тым ліку Мікалай Карамзін (1802), Аляксандар Герцэн (1830—1840), Антон Чэхаў (1884—1887), Ісаак Левітан, Аляксей Саўрасаў, Ільля Рэпін. У горадзе й у ваколіцах знаходзіцца шмат санаторыяў.

Вонкавыя спасылкі

Зьвянігарад — сховішча мультымэдыйных матэрыялаў