Зубачы (Падляскае ваяводзтва)

Зубачы́ (па-польску: Zubacze, па-падляску: Zubačý) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Чаромха.

Зубачы
польск. Zubacze
Першыя згадкі:	1499
Мясцовая назва:	Zubačy
Краіна:	Польшча
Ваяводзтва:	Падляскае
Павет:	Гайнаўскі
Гміна:	Чаромха
Насельніцтва:	70 чал.
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-240
Нумарны знак:	BHA
Геаграфічныя каардынаты:	52°27′7″ пн. ш. 23°18′43″ у. д.
Зубачы на мапе Польшчы Зубачы
Галерэя здымкаў у Вікісховішчы

Насельніцтва

Жыхары вёскі ў большасьці этнічныя беларусы, якія карыстаюцца падляскім дыялектам, праваслаўныя (прыход Пакровы Божае Маці на месцы). Па набліжанасьці мясцовай гаворкі да ўкраінскай мовы ў меншай часткі жыхароў украінская нацыянальная ідэнтыфікацыя.

Гісторыя

Вёска згаданая ў 1499 годзе як іменія Туровскіе ў судовых дакумэнтах, якія тычыліся спрэчкі за Зубачы паміж Карнілай і Івашкам Андрэевічамі ды іхняю сястрою Яраслаўнай Валковіч. Паводле некаторых зьвестак у 1580 годзе Зубачы былі местам. У 17 ст. Зубачамі валодалі Сапегі (вядома, што ў 1765 годзе Аляксандар Сапега аддаў у арэнду Зубачы Яну Яжыну). Першыя згадкі пра мясцовую ўніяцкую парафію Пакровы Божай Маці датуюцца 1677 годам. У 1781 годзе ў выніку шлюбу Ганны Сангушка Сапегі пераходзяць да Патоцкіх. З 19 ст. мясцовасьцю валодаюць Пуслоўскія. 20 лістапада 1895 году згарэла драўляная царква ўніяцкіх часоў і да 1897 году пабудаваная была новая (існуе па сёньняшні дзень). У міжваенны пэрыяд Зубачы прыналежалі да гміны Высокае Палескага ваяводзтва.

Ураджэнцы

• Пётра Сьвентахоўскі (1939 — 2006) — беларускі жывапісец і пэдагог.