Зорныя войны. Эпізод VI: Вяртаньне джэдая
«Зорныя войны. Эпізод VI: Вяртаньне джэдая» (па-ангельску: Star Wars Episode VI: Return of the Jedi) — эпічны навукова-фантастычны фільм амэрыканскага рэжысэра Джорджа Лукаса. Гэта трэці фільм па ліку зь першай трылёгіі кінасагі «Зорныя войны» і шосты храналягічна. Прэм’ера фільму адбылася 25 траўня 1983 року. Бюджэт фільму склаў $32,5 млн. А па сьвеце фільм сабраў каля $475,1 млн.
| Зорныя войны. Эпізод VI: Вяртаньне джэдая | |
| Star Wars Episode VI: Return of the Jedi | |
 | |
| Жанр | кінафантастыка |
|---|---|
| Рэжысэр | Рычард Маркўанд |
| Сцэнарыст | Джордж Лукас |
| Прадусар | Говард Казанчыян |
| У ролях | |
| Кампазытар | Джон Ўільямз |
| Апэратар | |
| Мантаж | |
| Мастак | Норман Рэйналдс[d] |
| Вытворчасьць | Lucasfilm |
| Распаўсюд | InterCom[d], Mokép[d], 20th Century Fox, Netflix, Fandango at Home[d] і Дыснэй+[d] |
| Дата выхаду | 25 траўня 1983 |
| Працягласьць | 136 хв. (арыгінальная вэрсія) |
| Краіна | ЗША |
| Мова | ангельская |
| Бюджэт | $32,5 млн |
| Прыбытак | $475 106 177 (па сьвеце) |
| Папярэдні | Зорныя войны. Эпізод V: Імпэрыя наносіць удар у адказ |
| Старонка на IMDb | |
| Афіцыйны сайт | |
Сюжэт
рэдагавацьНа шостым фільме скончваецца кінасага «Зорныя Войны», а таксама першая й арыгінальная трылёгія. Дзея ў апошнім фільме адбываецца недзе праз адзін рок пасьля падзеяў пятага эпізоду. Сябры Хана Сола накіроўваюцца на плянэту Татуін, каб уратаваць свайго сябра з палону Джабы Хата. Люк Скайўокер дасылае нібы ў падарунак Джабу двух дроідаў: R2-D2 й C-3PO з мэтай памяняць іх на Хана.
Але ж Джаба Хат кантрабандыст і злодзей, ён не зьбіраецца выконваць патрабаваньні Люка й забірае дроідаў сабе. Празь нейкі час у палацы Джабы зьяўляецца прынцэса Лея, пераапранутая ў тамтэйшую пачвару. Лея пад выглядам найміта прыводзіць да Джабы Чубаку. Джаба сквапны і зусім ня кемлівы кантрабандыст, ён нават і не падазрае, што зь ім гуляюць у гульню, якую прыдумаў Люк. Сам Люк не прымусіў сябе доўга чакаць і прыйшоў на наступны дзень, каб вярнуць сваіх сяброў і забіць Джабу. Але ж і Люк трапляе ў пастку Джабы. Апошні ўпэўнены ў сваёй перамозе над Ханам і яго сябрамі, Джаба загадвае забіць іх. І гэтая воля Хата становіцца апошняй для яго. Бясслаўнае жыцьцё вялікага кантрабандыста скончваецца пад час зьдзяйсьненьня ягонага ж загаду: Лея, скарыстаўшыся момантам, накідвае на шыю Джабу ланцуг і забівае яго. Люк вяртаецца на плянэту Дагоба да магістра Ёды, каб працягнуць навучаньне. Ёда перад сьмерцю распавядае Люку пра яшчэ аднаго Скайўокера. Гэта, напэўна, адзін з самых кранальных момантаў у фільме нароўні з момантам, калі Дарт Вэйдэр у пятым эпізодзе прызнаецца Люку у бацькоўстве. Адразу пасьля сьмерці Ёды Люк чуе голас Обі-Вана. Обі-Ван кажа Люку, што Ёда меў на ўвазе ягоную сястру Лею.
А тым часам Паўстанцы рыхтуюць атаку на новую і яшчэ больш моцную Зорку сьмерці. Частка паўстанцаў разам зь Люкам, Леяй, Ханам і двума дроідамі накіроўваецца на лясную плянэту Эндар, побач зь якой на арбіце будуецца новая Зорка сьмерці. На плянэце Люк распавядае Леі праўду, якую даведаўся сам, і адлучаецца ад іх групоўкі, каб сустрэцца з сваім бацькам і Імпэратарам. Паўстанцы на плянэце атакуюць бункер, у якім знаходзіцца ўстаноўка для энэргетычнага шчыта Зоркі сьмерці, а Адмірал Акбар разам з флётам паўстанцаў атакуе Зорку сьмерці з космасу. Пачынаецца бой як на плянэце, так і ў космасе. Люк, спрабуючы забіць Імпэратара на Зорцы сьмерці, ізноў скрыжаваў мечы з Дартам Вэйдэрам. Малады джэдай у парыве гневу перамагае Дарта Вэйдэра і чуе ад Імпэратара прапанову забіць бацьку і самім заняць ягонае месца побач зь ім. Адмовіўшыся ад прапановы, Люк выракае сябе на пакутніцкую сьмерць ад рук сытха, але ў гэты момант Дарт Вэйдэр вяртаецца на Сьветлы бок Моцы і забівае Дарта Сыдыюса. Старое вяшчунства спраўджваецца: Энакін Скайўокер зьнішчае сытхаў.
Пэрсанажы
рэдагаваць- Люк Скайўокер (Марк Гэміл, вучань-джэдай Обі-Вана Кенобі й Ёды, сын Энакіна Скайўокера, адзін з самых лепшых пілётаў паўстанцкага флёту)
- Лея Аргана (Кэры Фішэр, прынцэса й сэнатар, зьнішчанага імпэратарам, галяктычнага сэнату)
- Чубака (Пітэр Мэйг’ю, вукі, былы ўдзельнік вайны клёнаў, сябр Хана й другі пілёт «Сокала Тысячагодзьдзя»)
- Хан Сола (Гарысан Форд, кантрабандыст, адзін з найлепшых пілётаў галяктыкі, сябар Люка Скайўокера й Чубакі)
- Дарт Вэйдэр (Дэйвід Проўз, ўладар сытхаў, камандзір войска імпэрскіх клёнаў)
- Обі-Ван Кенобі (Алек Гінэс, дух настаўніка-джэдая)
- Ёда (Фрэнк Оз, настаўнік усіх джэдаяў, у тым ліку й Люка)
- Дарт Сыдыюс (Ен Макдаермід і Клайв Рывел, магутны ўладар сытхаў, імпэратар)
- Боба Фэт (Джэрэмі Булак, найміт і забойца, клён Джанга Фэта)
- Лэнда Калрысіян (Білі Ды Ўільямз, кіраўнік Воблачнага гораду на Бесьпіне, сябр Хана Сола й былы ўласьнік «Сокала Тысячагодзьдзя»)
- R2-D2 (Кэні Бэйкер, дроід, які суправаджае й дапамагае героям Зорных войнаў на працягу ўсіх 6 эпізодаў)
- C-3PO (Энтані Дэніелз, пацешны дроід-сябр R2-D2, якога зрабіў Энакін)
Вонкавыя спасылкі
рэдагаваць
Зорныя войны. Эпізод VI: Вяртаньне джэдая — сховішча мультымэдыйных матэрыялаў
- Афіцыйная бачына (анг.)
- Зорныя войны. Эпізод VI: Вяртаньне джэдая (анг.) ў Вукіпэдыі — вікі-энцыкляпэдыі «Зорных войнаў»