Збараскія

Збараскія (Zbaraskija) — княскі род гербу «Карыбут».

Збараскія

Герб «Карыбут»
Краіна паходжаньня	Вялікае Княства Літоўскае
Тытул	князі

Паходзілі ад князя Васіля Нясьвіцкага, які ў сярэдзіне XV ст. валодаў Збаражам на Валыні (адсюль прозьвішча). У 1463 ягоныя сыны Васіль, Сямён і Солтан падзялілі бацькаву спадчыну. Васіль атрымаў Збараж і вакольныя сёлы, у 1474 ён загінуў у падпаленым крымскімі татарамі Збаражы. Ад ягонага сына Міхала пайшоў род Вішнявецкіх, ад сына Сямёна — далейшы род 3бараскіх, ад сына Фёдара — роды Парыцкіх і Варанецкіх. Вызнавалі праваслаўе, з кан. XVI ст. — каталіцтва.

Галоўная рэзыдэнцыя — Збараскі замак. Па сьмерці Юрыя, апошняга прадстаўніка роду, у 1636 значная частка маёмасьці перайшла да князёў Вішнявецкіх.

Найбольш вядомыя прадстаўнікі

• Стэфан Збараскі (1518—1585) — ваявода віцебскі і троцкі
• Януш Збараскі (? — 1608) — ваявода брацлаўскі
• Крыштап Збараскі (1580—1626) — кашталян кракаўскі
• Юры Збараскі (1580—1631) — кашталян кракаўскі, староста пінскі.

Галерэя

• Партрэты прадстаўнікоў роду Збараскіх
• 
  Крыштап Збараскі
• 
  Юры Збараскі
• 
  Юры Збараскі (XVIII ст.)
• 
  Юры Збараскі (XIX ст.)

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4

Вонкавыя спасылкі

Збараскія — сховішча мультымэдыйных матэрыялаў