Зангязурскі медна-малібдэнавы камбінат

найбольшае горнаруднае прадпрыемства Армэніі, заснаванае ў 1951 годзе ў Каджаране

Каардынаты: 39°9′6″ пн. ш. 46°8′50″ у. д. / 39.15167° пн. ш. 46.14722° у. д. / 39.15167; 46.14722

«Зангязу́рскі медна-малібдэ́навы камбіна́т» («ЗММК») — найбольшае горнаруднае прадпрыемства Армэніі, заснаванае ў 1951 годзе ў Каджаране (Сюніцкая вобласьць).

«Зангязурскі медна-малібдэнавы камбінат»
арм. «Զանգեզուրի պղնձամոլիբդենային կոմբինատ»
Тып закрытае акцыянэрнае таварыства
Лістынг на біржы АФБ: ZPXKB1
Заснаваная 1951
Уласьнікі «Армянская малібдэнавая вытворчасьць», «Зангязурская горная справа», «Ц2Капітал» (па 12,5%)
Краіна Армэнія
Разьмяшчэньне Сюніцкая вобласьць
Адрас Каджаран, Шахтарская вул., д. 18[1]
Галіна горная справа
Прадукцыя малібдэн, медзь
Абарачэньне 199,9 млрд драмаў[2] ($413,2 млн; 2018 год)[3]
Апэрацыйны прыбытак 33,3 млрд драмаў ($68,8 млн; 2018 год)
Чысты прыбытак 15,5 млрд драмаў ($32,1 млн; 2018 год)
Даччыныя кампаніі Футбольны клюб «Гандзасар» (Капан)
Аўдытар «Эрнст і Янг» (Ангельшчына)

На 2020 год «ЗММК» улучаў адкрытую капальню і горнаўзбагачальны завод[4]. У 2019 годзе здабылі 12,8 млн тонаў медна-малібдэнавай руды, якую перапрацавалі ў малібдэнавы і медны канцэнтраты[5]. На радовішчы выкарыстоўвалі экскаватары ў каўшамі ад 5 да 8 кубамэтраў і самазвалы «БелАЗ» (Беларусь) і «Катэрпілар» (ЗША) падымальнасьцю ад 37 да 134 тонаў[6]. Адкіды вытворчасьці накіроўваць на сьметнік Арцванік у 32 км ад заводу па трубаправодзе[7].

Мінуўшчына рэдагаваць

У 1951 годзе ў Каджаране (Армянская ССР) запрацаваў медна-малібдэнавы руднік, які пачалі ўзводзіць у 1931 годзе. У 2004 годзе 60% паёў ЗАТ «Зангязурскі медна-малібдэнавы камбінат» выкупіла нямецкае ТАА «Кронімэт» (Карльсруэ, зямля Бадэн-Вюртэмбэрг), 15% — ААТ «Жалезаўзбагачальны завод» (Ерэван) і па 12,5% — ТАА «Армянская малібдэнавая вытворчасьць» і ТАА «Зангязурская горная справа»[8]. У 2006 годзе выведка ў Каджаранскім рудніку выявіла запасы 2,21 млрд тонаў руды, 5,22 млн тонаў медзі і 720 000 тонаў малібдэну[6]. У сьнежні 2010 году ўзьвялі горнаўзбагачальны завод, што дазволіла павысіць гадавую магутнасьць перапрацоўкі да 14 млн тонаў руды[8]. 8 красавіка 2020 году «Зангязурскі медна-малібдэнавы камбінат» выкупіў 60% сваіх паёў у «Кронімэт» і 15% — у «Жалезаўзбагачальнага заводу». Адначасна нямецкае ТАА «Ц2Капітал» (Брухзаль, зямля Бадэн-Вюртэмбэрг) набыло 12,5% паёў «ЗММК»[9].

Крыніцы рэдагаваць

  1. ^ Зваротная сувязь (арм.) // ЗАТ «Зангязурскі медна-малібдэнавы камбінат», 2020 г. Праверана 5 траўня 2020 г.
  2. ^ Фінансавая справаздача 2018 году (арм.) // ЗАТ «Зангязурскі медна-малібдэнавы камбінат», 2019 г. Праверана 5 траўня 2020 г.
  3. ^ Абменныя курсы на 31 сьнежня 2018 г. (483,75 драма за даляр) (анг.) // Цэнтральны банк Рэспублікі Армэнія, 31 сьнежня 2018 г. Праверана 5 траўня 2020 г.
  4. ^ Дзе мы (арм.) // ЗАТ «Зангязурскі медна-малібдэнавы камбінат», 2020 г. Праверана 5 траўня 2020 г.
  5. ^ Нашая дзейнасьць (арм.) // ЗАТ «Зангязурскі медна-малібдэнавы камбінат», 2020 г. Праверана 5 траўня 2020 г.
  6. ^ а б Здабыча (арм.) // ЗАТ «Зангязурскі медна-малібдэнавы камбінат», 2020 г. Праверана 5 траўня 2020 г.
  7. ^ Апрацоўка (арм.) // ЗАТ «Зангязурскі медна-малібдэнавы камбінат», 2020 г. Праверана 5 траўня 2020 г.
  8. ^ а б Нашая гісторыя і дасягненьні (арм.) // ЗАТ «Зангязурскі медна-малібдэнавы камбінат», 2020 г. Праверана 5 траўня 2020 г.
  9. ^ Справаздача № 1 (анг.) // ЗАТ «Зангязурскі медна-малібдэнавы камбінат», 8 красавіка 2020 г. Праверана 5 траўня 2020 г.

Вонкавыя спасылкі рэдагаваць

  • Навіны (анг.) // ЗАТ «Зангязурскі медна-малібдэнавы камбінат», 2020 г. Праверана 5 траўня 2020 г.