Жэрэмі Мат’ё
Жэрэмі́ Мат’ё (па-француску: Jérémy Mathieu; нарадзіўся 29 кастрычніка 1983 году, Люксёйль-ле-Бэн, Францыя) — былы францускі футбаліст, які гуляў на пазыцыі абаронцы.
| Жэрэмі Мат’ё | ||
| ||
| Пэрсанальная інфармацыя | ||
|---|---|---|
| Нарадзіўся | 29 кастрычніка 1983[1][2] (41 год) | |
| Рост | 189 см | |
| Вага | 83 кг | |
| Пазыцыя | цэнтральны абаронца, задні абаронца | |
| Клюбы | ||
| Гады | Клюб | Гульні (галы)¹ |
| 2002—2005 2005—2009 2009—2014 2014—2017 2017—2020 |
Сашо Тулюза Валенсія Барсэлёна Спортынг |
86 (10) 112 (5) 126 (6) 62 (3) 71 (6) |
| Зборныя | ||
| 2011—2016 | Францыя | 5 (0) |
Кар’ера
рэдагаваць«Сашо»
рэдагавацьЖэрэмі зьяўляецца выхаванцам клюбу «Сашо». У складзе «ільвянятаў» дэбютаваў у 2002 годзе ў чэмпіянаце Францыі ў гульні супраць каманды «Сэдан». Разам з «Сашо» Жэрэмі заваяваў першы трафэй у сваёй прафэсійнай кар’еры — Кубак францускай лігі 2004 году.
«Ліль»
рэдагавацьУ 2005 годзе Мат’ё перайшоў у «Тулюзу». Другі сэзон, у якім футбаліст гуляў за «Тулюзу», апынуўся нечакана ўдалым для каманды, «Тулюза» заняла трэцяе месца ў чэмпіянаце, заваяваўшы пуцёўку ў папярэдні этап Лігі чэмпіёнаў. І хоць наступны сэзон быў куды менш пасьпяховы — каманда зь цяжкасьцю захавала месца ў эліце — малады абаронца зьвярнуў на сябе ўвагу адразу некалькіх эўрапейскіх клюбаў, у прыватнасьці, «Ромы»[3], «Бардо»[4] й «Джэноа»[5].
«Валенсія»
рэдагавацьАднак, Жэрэмі зрабіў іншы выбар: у 2009 годзе, пасьля заканчэньня тэрміну кантракту з «Тулюзай», футбаліст падпісаў 3-гадовае пагадненьне з гішпанскай «Валенсіяй»[6] і ўжо ў наступным сэзоне дэбютаваў за свой новы клюб у чэмпіянаце Гішпаніі й Лізе Эўропы. 6 сьнежня 2009 году Жэрэмі забіў свой першы мяч у гішпанскім першынстве: на ягоным рахунку пераможны гол у матчы супраць «Атлетыка» (Більбао), які завяршыўся зь лікам 2:1 на карысьць «Валенсіі».
«Барсэлёна»
рэдагавацьУлетку 2014 году Мат’ё перайшоў у «Барсэлёну» за 20 мільёнаў эўра, стаўшы найдаражэйшым абаронцам у гісторыі ва ўзросьце пасьля 30 гадоў[7].
Міжнародная кар’ера
рэдагавацьУ зборную Францыі футбаліст упершыню быў выкліканы ў 2007 годзе для ўдзелу ў таварыскім матчы супраць зборнай Славаччыны, але ўдзелу ў гульні на прымаў, згуляўшы за каманду рэзэрвістаў зборнай Францыі з рэзэрвовым складам зборнай Славаччыны.
4 кастрычніка 2011 году Мат’ё быў выкліканы ў зборную галоўным трэнэрам Ляранам Блянам, для ўдзелу ў адборачных матчах чэмпіянату Эўропы 2012 году супраць зборнай Альбаніі й зборнай Босьніі і Герцагавіны, аднак удзелу зноёку не прымаў. Першую сваю гульню Жэрэмі правёў 11 лістапада 2011 году ў таварыскай сустрэчы супраць зборнай ЗША (1:0)[8].
Дасягненьні
рэдагаваць«Сашо»:
- Уладальнік Кубка францускай лігі: 2004
«Барсэлёна»:
- Чэмпіён Гішпаніі: 2015, 2016
- Уладальнік Кубка Гішпаніі: 2015, 2016, 2017
- Уладальнік Супэркубка Гішпаніі: 2016
- Пераможца Лігі чэмпіёнаў: 2015
- Пераможца Супэркубка УЭФА: 2015
- Пераможца клюбнага чэмпіянату сьвету: 2015
«Спортынг»:
- Уладальнік Кубка Партугаліі: 2019
- Уладальнік Кубка партугальскае лігі: 2018, 2019
Крыніцы
рэдагаваць- ^ а б в Jérémy Mathieu // Transfermarkt (мн.) — 2000.
- ^ а б в JEREMY MATHIEU // Argentine Soccer Database (гішп.)
- ^ «Рома» вновь интересуется Жереми Матьё. sport-express.ru
- ^ Матьё хочет играть в Бордо. France Football
- ^ Жереми Матьё: получил хорошее предложение от «Дженоа»(недаступная спасылка). «Спортивная Планета»
- ^ Защитник «Тулузы» Матьё продолжит карьеру в «Валенсии». Газета.ru
- ^ Barcelona complete £16m signing of Jérémy Mathieu from Valencia. The Guardian
- ^ Jérémy Mathieu. FFF.fr