Доні

Данібэр Аляксандар Марангон (па-партугальску: Doniéber Alexander Marangon; нарадзіўся 22 кастрычніка 1979 году ў Жундыяі, Бразылія) — колішні бразыльскі футбольны брамнік.

Доні
Данібэр Аляксандар Марангон
Пэрсанальная інфармацыя
Нарадзіўся	22 кастрычніка 1979 (45 гадоў) Жундыяі, Бразылія
Рост	195 см
Вага	89 кг
Пазыцыя	брамнік
Моладзевыя клюбы
1999—2000	Батафогу
Клюбы
Гады	Клюб	Гульні (галы)¹
2001—2003 2004 2004—2005 2005 2005—2011 2011—2013 2013	Карынтыянс Сантус Крузэйру Жувэнтудэ Рома Рым Лівэрпул Батафогу	59 (0) 14 (0) 36 (0) 20 (0) 153 (0) 4 (0) 0 (0)
Зборныя
2007—2008	Бразылія	10 (0)

Кар’ера

Клюбная

Доні пачаў сваю кар’еру ў 1999 годзе ў клюбе «Батафогу». Затым выступаў за «Карынтыянс», дзе адгуляў 59 матчаў за два гады. У 2004 годзе перайшоў у «Сантус», дзе ня здолеў прабіцца ў асноўны склад, потым перабраўся ў «Крузэйру», дзе таксама прабыў нядоўга. У 2005 годзе прыйшоў у «Жувэнтудэ», дзе адразу стаў асноўным брамнікам. Паказваючы добры ўзровень гульні, трапіў у поле зроку італьянскай «Ромы», якая набыла яго 31 жніўня 2005 году ў апошні дзень летняга трансфэрнага акна.

Спачатку ў першым сваім сэзоне за рымлянаў Доні прайграваў барацьбу за месца ў браме гульцу італьянскай моладзевай зборнай Джанлюке Курчы, але неўзабаве выцесьніў яго са складу. У сэзоне 2007—2008 гадоў добра праявіў сябе, стаўшы адным з найлепшых брамнікаў Сэрыі A.

15 ліпеня 2011 году падпісаў кантракт з ангельскім клюбам «Лівэрпул». У 2013 годзе вярнуўся назад на радзіму, падпісаўшы кантракт з клюбам «Батафогу».

Міжнародная

Дэбютаваў за зборную Бразыліі 5 чэрвеня 2007 году ў таварыскім матчы супраць зборнай Турэччыны.

Вонкавыя спасылкі

• Старонка на афіцыйным сайце «Лівэрпулу»
• Профіль на сайце Soccerway