Дзяніс Образаў
Дзяніс Образаў (нарадзіўся 24 чэрвеня 1988 году) — беларускі футбаліст, абаронца.
| Дзяніс Образаў | ||
| Пэрсанальная інфармацыя | ||
|---|---|---|
| Нарадзіўся | 24 чэрвеня 1988 (36 гадоў) | |
| Рост | 188 см | |
| Вага | 79 кг[1] | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2005 | Маладэчна-2018 | 3 (0) |
| 2008—2011 | Дняпро Магілёў | 65 (0) |
| 2012—2013 | Нафтан | 41 (0) |
| 2014—2016 | Дняпро Магілёў | 80 (2) |
| 2017—2020 | Слуцак | 82 (1) |
| 2020 | Атыраў | 9 (0) |
| 2021—2023 | Слуцак | 54 (1) |
| Зборныя | ||
| 2010—2011 | Беларусь (да 21) | 2 (0) |
Кар’ера
рэдагавацьПачаў кар’еру ў менскім «Дынама». У 2007 годзе гуляў за «Полацак». Пасьля перабраўся ў магілёўскі «Дняпро», дзе пачынаючы з сэзону 2010 году трывала гуляў у асноўным складзе. У лютым 2012 году далучыўся да наваполацкага «Нафтану», дзе таксама хутка стаў адным з асноўных абаронцаў. У верасьні 2012 году атрымаў траўму і выбыў да сканчэньня сэзону. Сэзон 2013 году пачаў на лаўцы запасных, але ў траўні 2013 году замацаваўся ў аснове на пазыцыі левага абаронцы.
У студзені 2014 году склаў працоўнае пагадненьне з магілёўскім «Дняпром». У складзе магілёўскага клюбу замацаваўся на пазыцыі левага абаронцы. Паводле вынікаў сэзону 2014 году «Дняпро» страціла месца ў Найвышэйшай лізе, і ў лютым 2015 году Дзяніс накіраваўся на прагляд у «Нафтан», але не падышоў наваполацкаму клюбу[2]. У выніку падоўжыў супрацу з магіляўчанамі[3]. Паводле вынікаў сэзону 2015 году «Дняпро» не здолела вярнуцца ў Найвышэйшую лігу, але ў лютым 2016 году Дзяніс склаў новае пагадненьне з клюбам[4]. Па заканчэньні сэзону 2016 году, у якім «Дняпро» заняло другое месца ў Першай лізе і вярнула месца ў эліце, абаронца пакінуў каманду[5].
У студзені 2017 году далучыўся да «Слуцка», зь якім у лютым падпісаў кантракт[6]. У складзе случакоў стаў асноўным цэнтральным абаронцам. У сьнежні 2017 году падоўжыў кантракт з «Слуцкам»[7]. У сэзоне 2018 году заставаўся трывалым гульцом пачатковага складу. У сьнежні 2018 году склаў новы кантракт з клюбам[8]. Сэзон 2019 году пачынаў у першай адзінаццатцы, але ў выніку большую частку сэзону прапусьціў праз траўму. У сьнежні 2019 году падоўжыў пагадненьне з слуцкім клюбам[9]. У ліпені 2020 году скасаваў кантракт з «Слуцкам»[10].
У жніўні 2020 году стаў гульцом казаскага клюбу «Атыраў»[11], чым дапамог яму вярнуцца ў Прэм’ер-лігу. У лютым 2021 году пакінуў клюб[12] і неўзабаве вярнуўся ў «Слуцак»[13]. Пачынаў сэзон 2021 году ў стартавым складзе, але пазьней пачаў часам заставацца на лаўцы запасных. У студзені 2022 году падоўжыў кантракт з слуцкім клюбам[14]. У сэзоне 2022 году вярнуў сабе месца ў асноўным складзе.
У лютым 2023 году стала вядома, што абаронца застанецца ў «Слуцку» яшчэ на адзін сэзон[15]. У пачатку 2024 году пакінуў клюб[16] і завяршыў прафэсійную кар’еру[17].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дняпро Магілёў | 2015 | Першая ліга | 27 | 1 |
| 2016 | Першая ліга | 25 | 1 | |
| Слуцак | 2017 | Найвышэйшая ліга | 28 | 1 |
| 2018 | Найвышэйшая ліга | 29 | 0 | |
Крыніцы
рэдагаваць- ^ а б в г http://sfc-slutsk.by/person/121
- ^ Образов не подошел "Нафтану", на просмотре Андрей Лебедев из венского "Фёрста" (рас.)
- ^ "Днепр" заключил контракты с Тупчием, Копанцовым, Образовым и Сазанковым (рас.)
- ^ "Днепр" продлил соглашения с Образовым, Павлюченко и Сийака (рас.)
- ^ Сийака, Юрченко, Гаврюшко, Марков и Образов покинули "Днепр" (рас.)
- ^ Образов, Щегрикович и Каршакевич стали игроками "Слуцка" (рас.)
- ^ "Слуцк" продлил контракты с шестью футболистами и расстался с Дударем (рас.)
- ^ Не игравший с января 2017 года Бамба вернулся в "Слуцк", восемь игроков продлили контракты с клубом (рас.)
- ^ Денис Образов в следующем сезоне будет выступать за "Слуцк" (рас.) Афіцыйны сайт «Слуцка»
- ^ Денис Образов и "Слуцк" расторгли контракт (рас.)
- ^ Образов подписал контракт с "Атырау" (рас.)
- ^ "Атырау" расстался с Образовым (рас.)
- ^ Денис Образов вернулся в "Слуцк" (рас.)
- ^ Жевнеров и Образов продлили контракты со "Слуцком" (рас.)
- ^ Образов остается в "Слуцке" еще на год (рас.)
- ^ Денис Образов и еще два игрока покинули "Слуцк" (рас.)
- ^ Денис Образов: "Куда и кем пойду работать - пока не могу сказать на сто процентов" (рас.)
Вонкавыя спасылкі
рэдагаваць- Статыстыка «ПБ-Инфо» (рас.)