Дзяніс Дзячко
Дзяніс Дзячко (нар. 26 красавіка 1990 году) — колішні беларускі футбаліст, брамнік.
| Дзяніс Дзячко | ||
| Пэрсанальная інфармацыя | ||
|---|---|---|
| Нарадзіўся | 26 красавіка 1990[1] (34 гады) | |
| Рост | 190 см | |
| Вага | 86 кг | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 2006 | ПМЦ[d] | 4 (0) |
| 2010 | Партызан Менск | 4 (0) |
| 2012 | Менск-2 | 36 (0) |
| 2013—2015 | Менск | 12 (0) |
| 2015 | → Бяроза-2010 | 9 (0) |
| 2016 | Дынама Берасьце | 4 (0) |
| 2016 | Белшына | 0 (0) |
Кар’ера
рэдагавацьВыхаванец менскага МТЗ-РІПА. У 2006 годзе гуляў за пастаўскі ПМЦ, а потым за дубль МТЗ-РІПА. У пачатку 2010 году стаў асноўным брамнікам менскага клюбу, які на той час ужо зьмяніў назву на «Партызан». Хутка пасьля гэтага ў чацьвертым туры атрымаў цяжкую траўму, у выніку чаго выбыў на 1,5 гады.
У 2012 годзе далучыўся да «Менску». У сэзоне 2012 году быў асноўным брамнікам другой клюбнай каманды «Менск-2», а ў 2013 годзе стаў другім брамнікам асноўнай каманды. Зь верасня 2013 году, у сувязі з траўмай асноўнага брамніка Уладзімера Бушмы, заняў месца ў стартавым складзе «Менску». У сьнежні 2013 году падоўжыў кантракт з клюбам. У сэзоне 2014 году быў пасунуты на пазыцыю запаснога брамніка пасьля вяртаньня Бушмы па акрыяньні. У чэмпіянаце згуляў толькі ў апошнім матчы сэзону, калі бараніў браму 29 лістапада ў сустрэчы супраць берасьцейскага «Дынама».
Зь лютага 2015 году знаходзіўся на праглядзе ў клюбе Першай лігі «Бяроза-2010», і ў сакавіку 2015 году перайшоў да ягоных шыхтаў на правах арэнды[2]. Па заканчэньні сэзону і вяртаньня з арэнды ў студзені 2016 году пакінуў «Менск»[3].
У лютым 2016 году ўладкаваўся ў берасьцейскім «Дынама», зь якім у сакавіку падпісаў кантракт[4]. Пачынаў сэзон асноўным брамнікам каманды, але неўзабаве быў выцесьнены Дзьмітром Асьніным. У ліпені 2016 году пакінуў берасьцейскі клюб[5] і перайшоў у «Белшыну»[6], дзе таксама быў другім брамнікам пасьля Барыса Панкратава. Па заканчэньні сэзону 2016 году пастанавіў завяршыць прафэсійную кар’еру[7].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Бяроза-2010 | 2015 | Першая ліга | 9 | –11 |
| Дынама Берасьце | 2016 | Найвышэйшая ліга | 4 | –12 |
Крыніцы
рэдагаваць- ^ а б в Denis Dechko // Transfermarkt (мн.) — 2000.
- ^ 1-я лига. Заявки команд. Лига актуальных реформ: шестнадцать претендентов на три путевки в элиту (рас.)
- ^ Дечко покинет «Минск» (рас.)
- ^ Огар, Чиж, Демешко и еще девять игроков подписали контракты с брестским "Динамо" (рас.)
- ^ Дечко покидает брестское "Динамо", Карницкий уходит в аренду в "Белшину" (рас.)
- ^ Дечко, Жевнеров и Бобух подписали контракты с «Белшиной» (рас.)
- ^ «Почему я должен получать 300 рублей, если добился права играть в высшей лиге?!» Жесткий спич футболиста (рас.)
Вонкавыя спасылкі
рэдагаваць- Профіль на сайце «Менску» (рас.)
- Статыстка «ПБ-Инфо» (рас.)