Даніл Копач
Даніл Копач (нарадзіўся 17 лютага 2000 году) — беларускі футбаліст, паўабаронца.
| Даніл Копач | ||
| Пэрсанальная інфармацыя | ||
|---|---|---|
| Нарадзіўся | 17 лютага 2000[1] (24 гады) | |
| Рост | 180 см | |
| Вага | 70 кг[1] | |
| Пазыцыя | паўабаронца | |
| Клюбная інфармацыя | ||
| Клюб | ФСК Масты[d] | |
| Нумар | 20 | |
| Клюбы | ||
| Гады | Клюб | Гульні (галы)¹ |
| 2019—2022 | Нёман Горадня | 1 (0) |
| 2020—2021 | → Смаргонь | 38 (1) |
| 2021 | → Слонім-2017 | 15 (2) |
| 2022 | → Ліда | 14 (3) |
| 2024— | ФСК Масты[d] | 1 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьВыхаванец СДЮШАР «Белкард». Пазьней пачаў выступаць на юнацкім узроўні за гарадзенскі «Нёман», а з 2018 году гуляў за клюбны дубль. У пачатку 2019 году рыхтаваўся да новага сэзону з асноўнай камандай гарадзенцаў. У сакавіку 2019 году падпісаў трохгадовы кантракт зь «Нёманам»[2].
Сэзон 2019 году пачынаў у дублі, а 13 ліпеня 2019 году дэбютаваў у Найвышэйшай лізе, адгуляўшы першы тайм матчу супраць «Слуцка» (0:0). У далейшым працягваў гуляць за дубль, часам прыцягваўся да асноўнай каманды. Да сэзону 2020 году пачынаў рыхтавацца з асновай «Нёмана», а ў лютым быў аддадзены ў арэнду ў «Смаргонь»[3]. Стаў адным з асноўных гульцоў смаргонскага клюбу, застаўся ў камандзе і ў сэзоне 2021 году, калі «Смаргонь» атрымала месца ў Найвышэйшай лізе.
У ліпені 2021 году перабраўся ў «Слонім-2017»[4], дзе таксама стаў гульцом першага складу. Па заканчэньні арэнды ў студзені 2022 году трэнаваўся зь «Нёманам»[5], але неўзабаве далучыўся да «Ліды», якая ў сакавіку арандавала паўабаронцу[6]. Спачатку рэгулярна зьяўляўся на полі, зь лета страціў месца ў складзе лідзкай каманды. Па заканчэньні сэзону 2022 году пакінуў «Ліду», тады ж скончыўся і кантракт зь «Нёманам».
Крыніцы
рэдагаваць- ^ а б в г д е ё https://www.fcneman.by/by/klub/zhelto-zelenye-lyudi/340.html
- ^ Копач и Шишлов подписали трехлетние контракты с "Неманом"
- ^ Полузащитник гродненского “Немана” Даниил Копач присоединился к “Сморгони” Архівавана 13 лютага 2020.
- ^ Копач покинул "Сморгонь" и присоединился к "Слониму-2017"
- ^ На просмотре в "Немане" ряд футболистов
- ^ Белый, Копач, Рогач и Зенько стали игроками "Лиды"
Вонкавыя спасылкі
рэдагаваць- Статыстыка «ПБ-Инфо» (рас.)