Графіня Косэль (фільм)

	Графіня Косэль
	Hrabina Cosel
Жанр	гістарычны фільм
Рэжысэр	Ежы Антчак
Сцэнарыст	Зьдзіслаў Скаўронскі
У ролях	Ядвіга Бараньска; Марыюш Дмахоўскі
Кампазытар	Вальдэмар Казанэцкі
Апэратар	Багуслаў Лямбах; Ян Янчэўскі
Мантаж	Яніна Нядзьвецка
Мастак	Wojciech Krysztofiak[d]
Вытворчасьць	«Ілюзыён»
Дата выхаду	6 верасьня 1968
Працягласьць	139 хвілін
Краіна	Польшча
Мова	Польская
	Старонка на IMDb

«Графі́ня Ко́сэль» (па-польску: Hrabina Cosel) — польскі гістарычны фільм рэжысэра Ежы Антчака, сфільмаваны ў 1967—1968 на студыі «Ілюзыён» па матывах аднайменнага раману Юзэфа Ігнацыя Крашэўскага.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Графіня Косэль (неадназначнасьць).

Здымкі фільму адбываліся галоўным чынам у замку Ксёнж каля Валбжыху, а таксама ў палацы ў Ланьцуце. Адначасна зь фільмам быў зьняты і аднайменны трохсэрыйны тэлесэрыял. Польская тэлевізыя да 2007 року паказвала чорна-белую вэрсію сэрыялу, пакуль TVP Kultura ня вырабіла каляровую вэрсію, створаную з каляровага нэгатыву, знойдзенага ў Нацыянальнай фільматэцы ў Лодзі.

Сюжэт

Фільм заснаваны на сапраўдных падзеях, якія адбываліся з Ганнай Канстанцыяй фон Бракдорф — нямецкай графіняй, якая была фаварыткай польскага караля і саксонскага курфюрста Аўгуста Моцнага.

Надзвычайна прыгожая і пабожная замужняя 24-гадовая Ганна Канстанцыя фон Бракдорф прыбывае ў Дрэздэн. Яе дзесяцігадовы раман з каралём Аўгустам — роля, на якую Ганна пагаджаецца ў спадзеве, што яна здолела заваяваць каханьне і вернасьць караля. У рэшце рэшт, згубіўшы да графіні цікавасьць, Аўгуст, як зазвычай, абірае сабе новую палюбоўніцу, а падманутая і абражаная графіня пачынае барацьбу супраць яго. Яна разьюшыла караля, адмовіўшыся вярнуць выпісанае тымм пісьмовае абавязальніцтва ўзяць шлюб, што ў пэўнай меры прадвызначыла яе далейшы лёс.

Апантаная надзеяй вярнуць прыхільнасьць Аўгуста, графіня Косэль у адчаі скіроўваецца да яго ў Варшаву толькі дзеля таго, каб павярнуць назад ад мескай брамы. Аўгуст загадвае кінуць былую каханку ў штольпэнскую фартэцыю. У турме графіня Косэль засталася да сваёй сьмерці ў 1765, перажыўшы караля Аўгуста на 32 рокі. Да канца жыцьця яна захавала сваю прывабнасьць, дзякуючы якой калісь зрабілася вядомай.

Вонкавыя спасылкі

Графіня Косэль (фільм) (анг.) на сайце IMDb
filmpolski.pl (пол.)
stopklatka.pl (пол.)