Гранада (футбольны клюб)

«Гранада» (па-гішпанску: Granada Club de Fútbol) — прафэсійны гішпанскі футбольны клюб з гораду Гранады, які знаходзіцца ў аўтаномнай супольнасьці Андалюзія. Клюб быў заснаваны 14 красавіка 1931 году, хатнія матчы праводзіць на стадыёне «Нуэва Лёс-Кармэнэс», умяшчальнасьцю 22 524 месцы.

Гранада
Поўная назва	Granada Club de Fútbol, S.A.D.
Заснаваны	1931
Горад	Гранада, Гішпанія
Стадыён	Нуэва Лёс-Кармэнэс Умяшчальнасьць: 22 524
Прэзыдэнт	Цьзянь Ліжанг[d]
Кіраўнік	Цьзянь Ліжанг[d]
Галоўны трэнэр	Дыега Мартынэс Пэнас[d]
Чэмпіянат	Ля Ліга
· 2020—2021	9 месца
Афіцыйны сайт

«Гранада» зьяўляецца трэцім клюбам Андалюзіі пасьля «Бэтысу» й «Сэвільлі», якія бралі ўдзел у розыгрышы Ля Лігі, дэбютаваўшы ў сэзоне 1941—1942 гадоў.

Гісторыя

«Гранада» была заснавана 14 красавіка 1931 году, першапачаткова пад назовам «Рэкрэатыва дэ Гранада». Першым прэзыдэнтам клюбу быў Хуліё Лёпэс Фэрнандэс.

Першы футбольны матч клюб правёў супраць клюбу «Дэпартыва Хаэн», атрымаўшы перамогу зь лікам 2:1. Першы гол у матчы й у гісторыі клюбу забіў Антоніё Бамбільяр. У сэзоне 1931—1932 гадоў клюб атрымаў перамогу ў Тэрсэры.

Пасьля некалькіх прасоўваньняў у больш высокія дывізіёны ў сэзоне 1941—1942 гадоў «Гранада» атрымала права ўдзелу ў Ля Лізе. З гэтых часоў да 1980-х гадоў клюб вагаўся паміж Ля Лігай і Сэгундай, а сапраўдным залатым стагодзьдзем клюбу сталі 1970-я гады. Найлепшымі вынікамі выступаў каманды сталі сэзоны 1971—1972 і 1973—1974 гадоў, калі клюб двойчы займаў шостае месца.

У 1959 годзе «Гранада» дасягнула свайго самага вялікага выступу, стаўшы фіналістам Кубку Гішпаніі. У фінале, які прайшоў на стадыёне «Сант’яга Бэрнабэў», каманда з поўдня Гішпаніі атрымала паразу ад «Барсэлёны» зь лікам 4:1.

У 1980-х гадох, «Гранада» некаторы час правяла ў Сэгундзе, але большую частку дзесяцігодзьдзя прыпалі на выступы ў Сэгундзе Б, апусьціўшыся яшчэ на ўзровень ніжэй у сэзоне 2002—2003 гадоў, у сувязі зь наяўнасьцю запазычанасьці перад сваімі гульцамі. Пасьля чатырох сэзонаў у чацьвертым дывізіёне, былы прэзыдэнт «Рэалу» Лярэнса Санс, разам са сваім сынам Пака, далучыўся да клюбу. Зь іхнай дапамогай, андалюзійскі клюб быў зноўку павышаны да трэцяга дывізіёну.

Склад

Актуальны на 8 верасьня 2021 году

№ Пазыцыя Імя Год нараджэньня 1 Бр Луіш Максіміяну 1999 2 Аб Сант’яга Арыяс (ар. Атлетыка) 1992 3 Аб Сэрхіё Эскудэра 1989 4 ПА Максім Ганалён 1989 5 ПА Люіс Мільля 1994 6 Аб Хэрман Санчэс 1986 7 Нап Альбэрта Сора 1999 8 ПА Ян-Брыс Этэкі 1997 9 Нап Люіс Суарэс 1997 10 Нап Антоніё Пуэртас 1992 11 Нап Дарвін Мачыс 1993 13 Бр Аарон Эскандэль 1995 14 ПА Мончу 1999

№ Пазыцыя Імя Год нараджэньня 15 Аб Карляс Нэва 1996 16 Аб Віктар Дыяс (капітан) 1988 17 Аб Кіні 1989 18 Аб Люіс Абрам 1996 19 ПА Анхэль Мантора 1988 20 Нап Карляс Бака 1986 21 Нап Рубэн Рачына 1991 22 Аб Дамінгуш Дуарці 1995 23 Нап Хорхэ Маліна 1982 25 Бр Жуан Кошта 1996 28 Аб Пэпэ Санчэс 2000 — Аб Нэйдэр Лясана 1994

Вонкавыя спасылкі

• Афіцыйны сайт клюбу^(гішп.)
• Неафіцыйны сайт клюбу^(гішп.)
• Профіль клюбу^(гішп.) на сайце Futbolme
• Профіль клюбу^(анг.) на сайце BDFutbol