Героі!

Героі! — альбом беларускага музычнага гурта IQ48, выдадзены 17 лістапада 2008 году на музычным лэйбле West Records.

Героі!
Альбом IQ48
Выдадзены	2008
Жанр	рок
Выдавец	West Records
Прадусар	Алена Скарабагатая
Храналёгія IQ48
Вар'яты (2005)	Героі! (2008)

Апісаньне

Дыск уключае ў сябе 12 кампазыцыяў, над якімі музыкі працавалі на працягу трох гадоў. Акрамя Міхала Анемпадыстава, які напісаў тэксты да песень «Сьвятло ў цемры» і «Схаванае сэрца», на дыску прысутнічаюць песьні і іншых пазаштатных аўтараў. Зьміцер Лукашук, вядомы па песьнях гурта «Крама», напісаў тэкст для «Будзе вайна», а Аляксандар Ролаў (экс-«Ляпис Трубецкой») — першапачатковую музыку і тэкст для песьні «Марсіяне».

Першая песьня («Сьвятло ў цемры») была запісаная ў 2005 годзе, літаральна праз пару месяцаў пасьля прэзэнтацыі першага альбома «Вар'яты». «Сьвятло ў цемры» была запісаная ў Польшчы, а асноўны запіс пачалася ў 2007 годзе ў Беларусі. Тры з кампазыцыяў на альбоме («Схаванае сэрца», «Марсіяне», «Гэй, наперад!») пісаліся на студыі «Осмос», астатнія восем — на «Maple Tree Studio» з гукарэжысэрам Алегам Даманчуком. Зводзіў матэрыял гітарыст гурта «Пару рублёў» Павал Яноўскі.

Загалоўная на альбоме кампазыцыя «Героі» — песьня аб людзях, якія зьдзяйсьняюць подзьвігі, часам не падазраючы аб гэтым, аб людзях, якія жывуць чымсьці сапраўды стаялым і сучаснасьцю.

Прэзэнтацыя альбома «Героі» адбылася 12 сьнежня ў клюбе «Night Star».

Зьмест

1. «Марсіяне»
2. «Гэй, наперад!»
3. «Героі»
4. «Схаванае сэрца»
5. «Ляцець на ўсход»
6. «Колькі не бяжы»
7. «Вясна-красна»
8. «Некалькі імгненьняў»
9. «Сьвятло ў цемры»
10. «Абрыдлі party, абрыдлі п’янкі»
11. «Будзе вайна»
12. «IQ48 у хаце»

Бонус: песьня «Чыво ты?», запісаная ў жывым этэры на «Эўрарадыё» ў красавіку 2008 году.

Музыка: IQ48 (1—11); Beastie Boys, Lordi, Рык Рубін (12)

Словы: Аляксандар Ролаў (1); Янка Купала (2); Яўген Бузоўскі (1, 3, 5, 10, 12); Міхал Анемпадыстаў (4, 9); Сяргей Машковіч (4); Аляксандар Ракавец (6—8); Зьміцер Лукашук (11).

Удзельнікі

• Аляксандар «ASH» Ракавец: сьпеў
• Яўген «BuZZa» Бузоўскі: гітара, дадатковы сьпеў
• Кастусь Калесьнікаў: бас-гітара
• Антон Мацулевіч: бубны
• Дзяніс Дзеравенка: саксафон, клявішы

Праца над дыскам

• Тэхнічнае забесьпячэньне: Антон Стаўскі
• PR: Маша Яр
• Прадусаваньне і мэнэджмэнт: Алена Скарабагатая, Марцін Полец
• Альбом запісаны ў студыях: MAPLETREE (3, 5-8, 10-12), OSMOS (1, 2, 4), REMBRANDT (9)
• Зьвядзеньне і мастэрынг: Павал Яноўскі (акрамя 4, 9), Сяргей «Шлёма» Лабандзіеўскі (4, 9)
• Дызайн: С. Шутаў

Вонкавыя спасылкі

• Afisha.tut.by, IQ48 гераічна прэзэнтуюць новы альбом «Героі» (рас.)