Геральд Асьвяцінскі

Ге́ральд Балясла́вавіч Асьвяці́нскі (1932, Ялізава, Асіпавіцкі раён, цяпер Магілёўская вобласьць, Беларусь — 2006) — беларускі тэатральны дзяяч. Заслужаны дзяяч культуры Беларусі (1968). 4-ы і 6-ы кіраўнік Беларускага дзяржаўнага тэатру імя Якуба Коласа ў Віцебску (1965—1994 і 2001—2006).

Геральд Асьвяцінскі
Дата нараджэньня	23 студзеня 1932(1932-01-23)
Месца нараджэньня	Ялізава, Асіпавіцкі раён, БССР, СССР
Дата сьмерці	12 траўня 2006(2006-05-12) (74 гады)
Грамадзянства	СССР, Беларусь
Месца вучобы	Беларускі дзяржаўны ўнівэрсытэт (1955), Дзяржаўны інстытут тэатральнага мастацтва (1965)
Месца працы	Беларускі дзяржаўны тэатар імя Якуба Коласа (1965—1994 і 2001—2006)
Гады дзейнасьці	1965—2006
Пасада	4-ы і 6-ы кіраўнік Беларускага дзяржаўнага тэатру імя Якуба Коласа
Тэрмін	1965—1994 і 2001—2006
Папярэднік	Уладзімер Стэльмах
Наступнік	Рыгор Шацько
Бацька	Баляслаў Асьвяцінскі
Узнагароды

Жыцьцяпіс

У 1955 годзе скончыў Беларускі дзяржаўны ўнівэрсытэт і ўладкаваўся ў Маладэчанскі абласны камітэт Камуністычнага саюзу моладзі. Пазьней перайшоў на працу ў Глыбоцкі раённы камітэт камсамолу. Стаў начальнікам аддзелу культурна-асьветных установаў і мастацтва Гарадзенскага абласнога выканаўчага камітэту. У 1963 годзе заняў пасаду начальніка Гарадзенскай абласной управы культуры. У 1965 годзе скончыў Дзяржаўны інстытут тэатральнага мастацтва ў Маскве (Расейская СФСР). У 1965—1994 гадох займаў пасаду кіраўніка Беларускага дзяржаўнага тэатру імя Якуба Коласа ў Віцебску. У 1994—2001 гадох узначальваў Беларускі тэатар «Лялька» тамсама ў Віцебску. У 2001—2006 гадох зноў кіраваў Коласаўскім тэатрам.