Генрых Татур

Ге́нрых Хрыстафо́равіч Та́тур (1846, Менск — 1907) — беларускі гісторык, археоляг, краязнавец, калекцыянэр.

Генрых Татур
Дата нараджэньня	17 верасьня 1846(1846-09-17)
Месца нараджэньня	Менск, Расейская імпэрыя
Дата сьмерці	1907
Занятак	навуковец
Бацька	Хрызастом Лаўрэнцій Дамінік Татур[d]

Вікіпэдыя мае артыкулы пра іншых асобаў з прозьвішчам Татур.

Біяграфія

Чалец Менскага статыстычнага камітэту, павятовы маршалак дваранства. 3 1874 году вёў археалягічныя раскопкі ў Менскай губэрні, склаў яе археалягічную мапу з апісаньнем помнікаў. На Койданаўшчыне дасьледаваў археалягічныя помнікі ў вёсках Баравіках, Васілеўшчыне, Грычыне, Курганьні, Шпільках ды іншых.

Аўтар кнігі «Археалягічнае значэньне Менскай губэрні» (1878), «Нарысу археалягічных помнікаў на прасторы Менскай губэрні і яе археалягічнага значэньня» (1892). У выніку паездак па Меншчыне падрыхтаваў вялікі альбом археалягічных помнікаў (1893).

Стварыў у Менску багаты прыватны музэй па гісторыі матэрыяльнай культуры Беларусі і ўнікальную бібліятэку. Падтрымліваў зьвязкі з Карусем Каганцом, менскімі гімназістамі.

Па сьмерці навукоўца ягоныя зборы прададзеныя за мяжу. Некалькі працаў захавалася ў рукапісах.

Літаратура

• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. ISBN 985-6302-33-1.
• Памяць: Гіст.-дакум. хроніка Дзяржынскага р-на. — Мн.: БЕЛТА, 2004. — 704 с.: іл. ISBN 985-6302-64-1.