Гарэт Бэйл
Гарэт Фрэнк Бэйл (па-ангельску: Gareth Frank Bale; нарадзіўся 16 ліпеня 1989 году, Кардыф, Ўэйлз) — былы валійскі футбаліст, паўабаронца. Выступаў у складзе нацыянальнай зборнай Валіі. Сусьветную вядомасьць Гарэт атрымаў выступаючы за ангельскі клюб «Тотэнгэм Готспур». Асабліва пасьпяховым сэзонам у лёнданскім клюбе быў сэзон 2012—2013 гадоў, калі Гарэт быў абраны найлепшым гульцом Прэм’ер-Лігі. 1 верасьня 2013 году Гарэт пасьля доўгіх перамоваў далучыўся да складу гішпанскага гранду «Рэал» за неназваную суму, але, як некаторыя лічаць, гішпанскі клюб выклаў рэкордную суму за гульца[5].
| Гарэт Бэйл | ||
_(cropped).jpg)
| ||
| Пэрсанальная інфармацыя | ||
|---|---|---|
| Нарадзіўся | 16 ліпеня 1989[1][2][3] (35 гадоў) | |
| Рост | 185 см[4] | |
| Вага | 82 кг[4] | |
| Пазыцыя | флянгавы паўабаронца | |
| Клюбы | ||
| Гады | Клюб | Гульні (галы)¹ |
| 2006—2007 2007—2013 2013—2022 2020—2021 2022—2023 |
Саўтгэмптан Тотэнгэм Готспур Рэал Мадрыд → Тотэнгэм Готспур (арэнда) Лос-Анджэлес |
41 (5) 146 (43) 176 (81) 20 (11) 13 (3) |
| Зборныя | ||
| 2006—2022 | Ўэйлз | 111 (40) |
Кар’ера
рэдагавацьКлюбная
рэдагавацьГарэт Бэйл нарадзіўся 16 ліпеня 1989 году ў Кардыфе. Яшчэ дзіцем ён вырашыў, што абавязкова стане футбалістам. Маленькі Гарэт Бэйл з зачараваньнем глядзеў футбольныя матчы й захапляўся наймацнейшымі футбалістамі сьвету. Ён увесь час уяўляў сябе на іхным месцы й марыў стаць такім жа вялікім гульцом.
Гарэт быў заўважаны скаўтамі «Саўтгэмптану» яшчэ ў дзевяцігадовым узросьце, і затым пачаў трэніравацца ў адной з даччыных акадэміяў гэтага клюбу. Трэніроўкі прыносілі юнаку толькі задавальненьне — ён стараўся даказаць усім і сабе самому, што здольны дамагчыся вялікіх посьпехаў у футболе. У 16 гадоў Бэйл гуляў у зборнай школы для 18-гадовых і дапамог ёй выйграць Школьны кубак Кардыфу. У тым жа годзе ён атрымаў прэмію ад дэпартамэнту спорту Валіі. Тады ж яго хацеў набыць «Манчэстэр Юнайтэд», але прапанова манкуніянцаў было адхілена[6].
1 верасьня 2013 году гішпанскі клюб «Рэал» абвесьціў, што яны дасягнулі пагадненьня аб трансфэры Бэйла[7][8], падпісаўшы з гульцом шасьцігадовы кантракт. Як лічыцца, за гэтую зьдзелку «Тотэнгэм» атрымаў 77 млн фунтаў[9] або нават за сусьветна рэкордную суму ў памеры 85,3 млн фунтаў[10][11].
Міжнародная
рэдагавацьУ асноўную зборную стаў выклікацца ў 17 гадоў з мэтай замяніць Раяна Гігса, які на той час скончыў сваю міжнародную кар’еру. Дэбют юнага валійца адбыўся 27 траўня 2006 году, калі ён выйшаў на замену ў матчы са зборнай Трынідаду і Табага на 80-й хвіліне.
Дасягненьні
рэдагаваць«Рэал»:
- Чэмпіён Гішпаніі: 2017, 2020, 2022
- Уладальнік Кубка Гішпаніі: 2014
- Уладальнік Супэркубка Гішпаніі: 2017
- Пераможца Лігі чэмпіёнаў: 2014, 2016, 2017, 2018, 2022
- Уладальнік Супэркубка Эўропы: 2014, 2017
- Пераможца клюбнага чэмпіянату сьвету: 2014, 2017, 2018
«Лос-Анджэлес»:
- Уладальнік Кубка МЛС: 2022
- Пераможца Сапортэрз Шылдс: 2022
Крыніцы
рэдагаваць- ^ а б в Gareth Bale // Transfermarkt (мн.) — 2000.
- ^ а б в GARETH FRANK BALE // Argentine Soccer Database (гішп.)
- ^ а б в Gareth Bale // As (гішп.) — Madrid: PRISA, 1967. — ISSN 1888-6671
- ^ а б в г https://www.realmadrid.com/en/football/squad/gareth-bale
- ^ Real Madrid Sign Midfielder Gareth Bale For World-Record $132 Million. CBS News New York
- ^ Фергюсон: хотели приобрести Бэйла, когда ему было 16—17 лет. championat.ru
- ^ Bale, nuevo jugador del Real Madrid. Real Madrid C.F
- ^ Club announcement. Tottenham Hotspur.
- ^ Real Madrid tell CR7: "You're still the most expensive player ever". AS.com
- ^ Bale seals transfer move to Real Madrid. FOX Soccer.
- ^ Gareth Bale joins Real Madrid from Spurs in £85m world record deal. BBC Sport.
Вонкавыя спасылкі
рэдагаваць- Профіль на афіцыйным сайце «Рэал» Мадрыд
- Профіль на афіцыйным сайце «Тотэнгэм Госпур»
- Профіль на transfermarkt.co.uk
- Статыстыка на сайце UEFA
- Статыстыка на сайце FIFA