Віні Джонз

(Перанакіравана з «Віні Джонс»)

Ві́ні Джонз (па-ангельску: Vinnie Jones; нарадзіўся 5 студзеня 1965 году, Ўотфард[1]) — былы брытанскі футбаліст (граў за зборную Ўэйлзу), цяпер актор.

Віні Джонз
Vinnie Jones
VinnieJonesCCJuly07.jpg
Віні Джонз у 2007 годзе
Імя пры нараджэньні Vincent Peter Jones
Род дзейнасьці футбаліст, актор
Дата нараджэньня 5 студзеня 1965 (55 гадоў)
Месца нараджэньня Ўотфард, Ангельшчына
Грамадзянства Вялікабрытанія
Занятак актор, актор кіно, футбаліст, актор агучваньня і тэлеактор
Сайт http://www.vinniejones.co.uk/

ЖыцьцяпісРэдагаваць

Джонз нарадзіўся ў горадзе Ўотфардзе, у сям’і Пітэра і Гленды Джонз. Футбольшую кар’еру ён пачаў у 1984 годзе ў Нацыянальнай канфэрэнцыі (найвышэйшы дывізіён Футбольнай канфэрэнцыі Ангельшчыны) за клюб Ўіялдстоўн. Ён граў адзін сэзон за клюб другой швэдзкай лігі «IFK Holmsund» у 1986 годзе і дапамог яму заняць першае месца ў лізе[2].

Пад час футбольнай кар’еры Віні Джонз граў за такія клюбы ангельскай лігі, як Ўімблдан, Лідс Юнайтыд, Шэфілд Юнайтыд, Чэлсі і Куінз Парк Рэйнджарз. Быў вядомы з-за вострага, часта грубага стылю гульні, па прычыне чаго яго часта выдалялі з поля. Разам з клюбам Ўімблдан, у 1988 годзе выйграў Кубак Ангельшчыны. За зборную Ўэйлзу, Віні Джонс, народжаны ў Ангельшчыне, змог гуляць дзякуючы паходжаньню продкаў. Нягледзячы на тое, што за зборную Ўэйлзу ён гуляў усяго некалькі матчаў, быў выбраны яе капітанам.

Як актор, Віні Джонз дэбютаваў у фільме Гая Рычы «Карты, грошы, два ствалы» ў 1998 годзе, дзе граў ролю лёнданскага бандыта Вялікага Крыса. Пасьля гэтага ён пасьпеў зьняцца ў некалькіх дзясятках фільмаў, звычайна ў ролях бандытаў.

КрыніцыРэдагаваць

Вонкавыя спасылкіРэдагаваць

  Віні Джонзсховішча мультымэдыйных матэрыялаў