Валеры Патароча
Вале́ры Патароча (нарадзіўся 16 красавіка 1996 году) — беларускі футбаліст, паўабаронца бабруйскай «Белшыны».
| Валеры Патароча | ||
| Пэрсанальная інфармацыя | ||
|---|---|---|
| Нарадзіўся | 16 красавіка 1996[1] (28 гадоў) | |
| Рост | 177 см | |
| Вага | 75,5 кг[3] | |
| Пазыцыя | паўабаронца | |
| Клюбная інфармацыя | ||
| Клюб | Белшына | |
| Нумар | 10 | |
| Клюбы | ||
| Гады | Клюб | Гульні (галы)¹ |
| 2016 | Хімік | 15 (3) |
| 2016—2017 | Партызан Бардзеёў[d] | 26 (2) |
| 2018 | Сокал[d] | 12 (3) |
| 2018 | Смалявічы | 4 (0) |
| 2019—2020 | Спадарожнік | 53 (22) |
| 2021 | Дынама Берасьце | 8 (0) |
| 2022—2023 | Славія Мазыр | 31 (4) |
| 2024— | Белшына | 31 (11) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьВыхаванец рэчыцкай ДЮСШ-2. Маладым хлопцам трапіў у структуру менскага «Дынама». З 2013 году пачаў выступаць за дубль сталічнага клюбу, а на наступны год замацаваўся ў складзе, аднак да асноўнай каманды не прыцягваўся.
У лютым 2016 году знаходзіўся на праглядзе ў жодзінскім «Тарпэда-БелАЗ», але клюбу не падышоў[4] і ў выніку пачаў сэзон 2016 году ў складзе шацілавіцкага «Хіміка». У верасьні 2016 году перабраўся ў клюб «Партызан» з другога дывізіёну Славаччыны[5], дзе спаборнічаў паўтары сэзоны. У першай палове 2018 году гуляў у клюбе чацьвертага дывізіёну Чэхіі «Сокал»[6]. У жніўні 2018 году вярнуўся ў Беларусь, папоўніўшы склад клюбу «Смалявічы»[7]. Ня здолеў замацавацца ў асноўнай камадзе ды пачаў часьцей выступаць за дубль.
З студзеня 2019 году пачаў трэнавацца з рэчыцкім «Спадарожнікам» і ў лютым афіцыйна далучыўся да каманды. Здолеў замацавацца ў пачатковым складзе рэчыцкага клюбу. У студзені 2020 году стала вядома, што паўабаронца застаецца ў «Спадарожніку» на сэзон 2020 году[8]. У гэтым сэзоне быў адным зь лідэраў каманды, стаўны ейным найлепшым бамбардзірам, чым дапамог атрымаць перамогу ў Першай лізе. У студзені 2021 году праходзіў прагляд у расейскай «Тамі», але беспасьпяхова. У лютым далучыўся да берасьцейскага «Дынама» і неўзабаве падпісаў кантракт[9]. Прапусьціў пачатак сэзону 2021 году праз траўмы. Толькі зь верасьня пачаў выходзіць на поле, а з кастрычніка пачаў гуляць у стартавым складзе.
У студзені 2022 году прыяднаўся да мазырскай «Славіі»[10]. Замацаваўся ў асноўным складзе мазырчукоў. У сьнежні 2022 году падоўжыў кантракт з «Славіяй»[11]. Большую частку сэзону 2023 году прапусьціў праз праблемы з здароўем. У сьнежні 2023 году пакінуў мазырскі клюб[12]. У студзені 2024 году ўзмоцніў склад бабруйскай «Белшыны»[13].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Смалявічы | 2018 | Найвышэйшая ліга | 4 | 0 |
Крыніцы
рэдагаваць- ^ а б в Valery Patarocha // Transfermarkt (мн.) — 2000.
- ^ а б https://footballfacts.ru/person/283574
- ^ а б https://fcslavia.by/ru/player/potorocha-0
- ^ Потороча не подошел «Торпедо-БелАЗ» (рас.)
- ^ Белорусcкий хавбек Потороча перешел в словацкий «Партизан» (рас.)
- ^ Валерый Патароча
- ^ Валерий Потороча стал игроком "Смолевичей" (рас.)
- ^ "Спутник" выйдет из отпуска 14 января и уже запланировал спарринг с командой УПЛ (рас.)
- ^ Потороча стал игроком брестского "Динамо" (рас.)
- ^ Потороча стал игроком "Славии" (рас.)
- ^ "Славия" продлила контракт с Поторочей (рас.)
- ^ Валерий Потороча расстался со "Славией" (рас.)
- ^ Игроки "Славии" и "Орши" пополнили состав "Белшины" (рас.)
Вонкавыя спасылкі
рэдагаваць- Статыстыка «ПБ-Инфо» (рас.)