Бэрынгава пратока
Бэрынгава пратока — пратока паміж самай усходняй кропкай Азіі (мыс Дзяжнёва) і самай заходняй кропкай Паўночнай Амэрыкі (мыс Прынца Ўэйлскага). Найменшая шырыня 86 км, найменшая глыбіня фарватару 36 м. Пратока злучае Паўночны Ледавіты акіян (Чукоцкае мора) зь Ціхім акіянам (Бэрынгава мора). Пратока атрымала сваю назву ў гонар расейскага мараплаўца Вітуса Бэрынга (нарадзіўся ў Даніі), які прайшоў гэтай пратокай у 1728 годзе.
| Бэрынгава пратока | |
| Берингов пролив | |
 Бэрынгава пратока — спадарожнікавы фатаздымак | |
| Зьвязвае | Чукоцкае мора і Бэрынгава мора |
|---|---|
| Краіны на ўзьбярэжжы | Расея, ЗША |
| Падзяляе | Эўразію і Амэрыку |
| Скрайнія мысы | мыс Дзяжнёва, мыс Прынца Ўэйлскага |
| Шырыня | 86 |
| Найбольшая глыбіня | 91 |
| Каардынаты | 65°58′21″ пн. ш. 168°47′30″ з. д. / 65.9725° пн. ш. 168.79167° з. д.Каардынаты: 65°58′21″ пн. ш. 168°47′30″ з. д. / 65.9725° пн. ш. 168.79167° з. д. |
| Бэрынгава пратока на мапе Расеі   Бэрынгава пратока | |
Пасярэдзіне Бэрынгавай пратокі ляжаць астравы Дыяміда. Зь іх Вялікі востраў Дыяміда, або востраў Ратманава, які буйней і разьмешчаны заходней, належыць Расеі. Малы востраў Дыяміда, разьмешчаны ўсходней, належыць ЗША. Дзяржаўная мяжа, паводле дамовы аб продажы Аляскі і Алеўцкіх астравоў 1867 году, праходзіць пасярэдзіне паміж імі. Адлегласьць паміж выспамі - крыху менш за 4 км. Там жа праходзіць мяжа гадзінных паясоў і міжнародная лінія зьмены дат.